Ezekieli 19:12 - KITABU KITAKATIFU

¹² Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Ezekieli 19:12 ပူးပေါင်းရင်းမြစ်များ

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Avami 23:34

Mwami Neko yakola Eliakimu muyaayi wa Josia mwami mu vogono vwa Josia, baba weve, ma nagirung'anyia lieta lilie kuva Jehoyakimu. Mwami Neko yaahira Joahazi mu Egebeti, wa yakuzira.

2 Avami 24:6

Jehoyakimu yakuza, na muyaayi weve Jehoyakini yavugula ovogono vwivwe kuli mwami wi Ivuyuda.

Zaburi 52:5

Kunangwa Nyasaye alakudiviza mihiga ni mihiga; nu kukutuliza munyumba yooyo, alakutuliza mu kivala cha vandu vaveeye mwoyo, kandi alakudiviza ligali mihiga ni mihiga.

Zaburi 80:16

Avasigu viitu vamali kwononyia kizabibu, kandi vahambizi muliru kucho; nokoketemaga ligali haana amageri kuvo, kandi uvadivizi ligali.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 27:8

Yahova yahaana mageri ku avandu veve lwa yavahila mu livahaminywa. Yaavatulizaho mu imbuza yi kivi kutura Ivugwi.

Jeremia 22:30

“Mundu oyo amali kukalagirwa ku agotiza avana veve, kandi mundu unyala kuzizagilira mba. Si alakave ku ni visukululwi iviliamiiha mu Ivuyuda kuli avavugura uvwamihi kutura ku Daudi mba. Inzi Yahova, mali kovora.”

Jeremia 31:28

Kandi kuli ndaahenda mwoyo nukwiiha, nukusambula, nukutung'aminya, nukudiviza, kandi nukuvasambura, kunangwa ndavasingiriza kandi ndavadinyiriza.

Lisyoma lya Jeremia 2:1

Yahova amali yakunika avandu va Jerusalemi ni kisundi mu vutima vwivwe. Yaagirung'anyi uvukumi vwa Jerusalemi kugwa mang'anye kulirova. Si yizuliza Litembeli lilie lidiku liu vutima vwivwe mba.

Ezekieli 15:2

Yavoola, “Mwana wu Mundu, muzabibu gunyala ndi kufananywa nu musaala? Ulusia lwu mukuyu gwu muzabibu loveeye na vulahi ki nufananyia nu musaala gwu mumulitu?

Ezekieli 15:4

Loveeye vuzwa lulahi mulifanila umuliru. Unyala kolomba ku kindu lwa lumali kusambwa ma lugwiyi amanda?

Ezekieli 17:10

Yee, muzabibu yigu gwatagwa, navuzwa gulamenya kandi guviruki? Sigulaniara lwi imbuza yu kudiviza kutura Ivugwi ihuuzaa? Si gulaniara kali hagwasimikwa?”

Ezekieli 19:11

Zisia ziagwo ziali nizinguru, kandi gwaviruka nigugwa kuli imbimbu yu vwami. Muzabibu gwaviruka nigutambiha kuduuka mu malesi; kandi vuli mundu yalora kuli gwaali mutambi na matu manyingi.

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Hosea 13:15

Kali niiva avandu va Isiraeli valazizagilira kuviruka kuli indiva, ndatuma imbuza yikivi kutura Ivugwi mu changalangwe, na iluminya visenukiru via mazi kandi vidaho viavo. Ilatulizaho ivindu viavo viosi viuvuguli.

Jona 4:8

Lwiliuva liatura, Nyasaye yatuma imbuza yivugwi isambaa. Liuva liasamba ku mutwi gwa Jona naye yaali ahimbi kukinda. Yegomba likuza navoora, “Nivulahi inzi nguzi kuvita kuva mwoyo.”

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Kwidzulitsa 29:28

Yahova yiiha avandu yava kutura mu kivala chavo nilivihilirwa linene kandi nu vutima vululu ligali, naavasiuva mukivala kegeni, kandi vaveeye uwene yeyo kuduuka kalunu.’

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.