Ezekieli 19:11 - KITABU KITAKATIFU

¹¹ Zisia ziagwo ziali nizinguru, kandi gwaviruka nigugwa kuli imbimbu yu vwami. Muzabibu gwaviruka nigutambiha kuduuka mu malesi; kandi vuli mundu yalora kuli gwaali mutambi na matu manyingi.

Ezekieli 19:11 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

1 Avami 5:1

Mwami Huramu wa Tiro yalange mulina wa Daudi kazozo, kandi lwa yahulira ndi Solomoni uvuguyi vogono vwa baba weve Daudi kuli mwami, yatuma vatumikiri veve kuye.

Ezara 4:20

Avami vizingulu vamali kwamiiha yo kandi vamali kwamiiha ku kivala choosi chi Imadioli wa Efurate nivasolola uvusuru.

Ezara 5:11

“Avandu yava vaativura, ‘Kunyi koveeye avatumikiri va Nyasaye wi ligulu kandi wi lirova, kwumbakaa uvuhia Litembeli iliumwami munene wa Isiraeli yumbaka ku mihiga minyingi javita.

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 80:15

Hamba kohonyie, avandu vovo avuwaviika mu kivala yiki, kandi uvakole kuva ihiiri yi zinguru ligali.

Zaburi 80:17

Yaanza osoore avandu vovo avuwamala kotovola, ihiiri ya walomba kuva yizingulu ligali.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Ezekieli 19:12

Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Ezekieli 19:14

Kitinya chu muzabibu yigu chaali nu muliru, muliru gwasamba zisia ziagwo na makuyu gagwo. Zisia si zilakave nizinguru kandi mba, si zilakave imbimbu yizingulu yu vwami kandi mba. Yilu nulwimbu lwovovereri; lumali kwimbwa haali kanyingi.

Ezekieli 21:10

Kishagaliywi kiduuki kwita, keng'ereng'anaa nokohemahema kuli loheni. Vusangali si voveeye ho mba, kigira avandu vange vamali kusura kuhulira lieganihiza liosi kandi nilihevwa mageri.

Ezekieli 21:13

Inzi ngerizaa avandu vange, niiva valasura kwiganira, ivindu yivi viosi vilekoleka kuvo.

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Danyeli 4:11

Musaala yigu gwaviluka ligali ni gugwa munene kuduuka zindogozi ziagwo ziduuka mwigulu, na vuli mundu woosi mu kivala yagolola.

Kyavalevi 23:40

Ku lidiku liukutanga, mulavugula malala ku makuyu malahi ligali kutura ku misaala jinyu; mulavuguli matu ga makindu, zisia zie misaala ja matu manyingi, ma mutange lisavo lie diini kuhaana luyali ku Inzi Yahova Nyasaye winyu.

Livalidza 24:17

Mbenzaa mu zing'inga ziza, na ndolaa ihiiri ya Isiraeli. Umwami kuli ing'ereng'ani yu vulavu, alatonga kutura mu ihiiri yeyo. Alatula mu vandu va Isiraeli, kuli ing'ereng'ani. Alakuya aviimiliri va Moabu kandi alaguuta vandu vosi va Sezu.