Ezekieli 18:8 - KITABU KITAKATIFU

⁸ Mundu uyu siyegobizaa mabesa nu konyoolaku uvukala anoho kuvugura viambeti mba. Mundu uyu siakola uvudamanu mba, navuzwa ahaanaa likalaga liveeye lirungi hagati hu mundu nu wache;

Ezekieli 18:8 ပူးပေါင်းရင်းမြစ်များ

2 Samweli 22:24

Yamanya ndi inzi mbeeye vugira imbara kandi ndayigaya ku likora vudamanu.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Zaburi 15:5

Mundu uyu si avuguraa viambeti ku mabesa geege mba, kandi siavugula ivikukula akole uvudamanu ku avataveeye nimbala mba. Mundu woosi okola yaga sialadengeyizwa mihiga ni mihiga mba.

Kutwula 22:25

“Niiva ulegobiza amabese ku mulala ku avandu vange avaveeye hagati hinyu avadaka, utakola kuli mwegobizi wa mabese nukumuteva atuungi vukala mba.

Tsing'ano 28:8

Mundu onyoora vutugi vwivwe mulimeeda vukala, avungizilaa oyo oveeye ni zimbavasi ku vadaka.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Jeremia 15:10

O, vayaayi kivi keveeye ku inzi! Kigira ki mama wange niyaanzivula nokondeta mukivala yiki? Gaduukanaa nembane nu kuhiing'ana na vuli mundu mu kivala. Inzi sindayegobiza anoho si ndayegoba ku mabesa ku mundu woosi mba; navuzwa vuli mundu alanamaa inzi.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Ezekieli 18:13

kandi kwegobiza mabesa nu konyoora vukala. Mundu uyu si alamenya mba, kigira yamala kokora vindu vinyingi viukuvihiliriza. Maku alakuza kandi aladulwa kigira likuza lilie.

Ezekieli 18:17

Asuuli kokora uvudamanu, kandi yegobiza mabesa nukuvula konyoolaku uvukala kandi atizaa malago gange; mundu uyu sialakuza kigira uvwoni vwa baba weve mba, navuzwa alamenya ligali.

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Kyavalevi 19:35

“Mutagaadi omundu woosi kulitumikira kegero chu vugadi anoho vibimu anoho ivindu vindi viosi viu vugadi mba.

Zekaria 8:16

Yivi ni vindu viduukana mukore: Muvoore agaveeye giligali mundu nu wache. Muhaane likalaga liagiligali nokoleta mirembe.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Kwidzulitsa 23:21

“Lwa mulomba liesuuha ku Yahova Nyasaye winyu, mutasuula kutwekiza lilagana lilie mba, kigira Yahova Nyasaye winyu sialavula kumuvaanza mba, na galava vwoni ku ivi kuvula kulinda lilagana liilio.