Ezekieli 18:7 - KITABU KITAKATIFU

⁷ Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Ezekieli 18:7 ပူးပေါင်းရင်းမြစ်များ

Nehemia 5:10

Mali koleka avandu veegobe mabesa nuvuswage kutura ku inzi, kandi avalina vange na avasaza vanyinziliraa vakoli ndio kandi. Kalunu leki koleke lidaya iviambeti. Muleke amagovi ginyu goosi ga vaveeye nago, amabese anoho uvuswage, anoho iwaini anoho maguta ga muzeituni.

Ayubu 22:6

Ivi wavugula zinguvu zia avadaka nukuvaleka chahonyo, kunangwa vaduuki kutunga magovi gaavo ku ivi.

Ayubu 24:3

Vavugura zisukiri zia avavisandu, kandi vavugura igiriki yu mukunzakali kuduuka lwa atungaa amagovi geege.

Ayubu 24:9

Avandu vadamanu vavugura avana vavisandu nu kuvakola avatugwa, kandi vavugura avana va vadaka nu kuvakola kuva mitungu kigira magovi.

Zaburi 112:4

Uvulavu vwakiraa avandu valahi mu kisundi; ku yava avaveeye nilivererera, avalahi kandi ni likalaga lirungi.

Zaburi 112:9

Ahaanaa nuvuhaani vwosi ku avadaka, uvulungi vwivwe vuhindiraa mihiga ni mihiga. Alava ni zinguru kandi nuluyali lonene.

Zaburi 41:1

Aveeye nuvugasu uyu ohenderaa avadaka mwoyo; Yahova alamukonyia lwaveeye mu vudinyu.

Kutwula 22:25

“Niiva ulegobiza amabese ku mulala ku avandu vange avaveeye hagati hinyu avadaka, utakola kuli mwegobizi wa mabese nukumuteva atuungi vukala mba.

Kutwula 22:26

Niiva ulavugula ilikoti liu mulala live lilagana ndi alakakutuungi, gaduukanaa umwilanyili vwangu liuva nilikikiri koyeera,

Kutwula 23:9

“Mutadambizi mugeni mba; munyi mumanya vulahi kuli liiva liu kuva mugeni liveeye, kigira munyi mwaali avageni mu kivala cha Egebeti.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 28:27

Mundu uhaanira ku vadaka, sialadaka mba, navuzwa oyo wivisaa kutura ku vadaka vandu vanyingi valamulaama.

Tsing'ano 28:8

Mundu onyoora vutugi vwivwe mulimeeda vukala, avungizilaa oyo oveeye ni zimbavasi ku vadaka.

Tsing'ano 3:31

Utava ne mbodoka na vandu vikirage anoho kokora kuli yavo mba.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Ezekieli 16:49

Oyo harara navakaana veve velola kigira vaali niviukulia vinyingi kandi vamenya mu mirembe, navuzwa si vahendera mwoyo avadaka navandu vaali nilienya mba.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Ezekieli 18:18

Kigira baba weve yaakola uvugaadi kandi niyiva, kandi naakora uvudamanu hagati havandu, kunangwa yakuza kigira uvwoni vwivwe umwene.

Ezekieli 33:15

kandi, niiva alilanyia kindu chayahaana kigira ligovi anoho yiranye icha yiva, kandi alekele kokora uvwoni, ma alonde lilaga lihaana livamwoyo, sialakuza mba, navuzwa alava mwoyo.

Ezekieli 7:23

“Vuli kindu keveeye muligoyana kandi kivala chizuuyi avalumindi kandi avandu vikirage vizuye madaala manene.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Kyavalevi 25:14

Kunangwa, lwa mugulizira Muisiraeli wache milimi, anoho muguli milimi kutura kuvo, mutadambizani mba.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Amosi 2:8

Vuli havundu hu kusigamira, avandu vagona ku zinguvu zindala nzere zia vamali kuvugura kutura ku vadaka kuli kihambiliru cha magovi. Mu Litembeli lia Nyasaye wavo, vanweraamu iwaini ya vamali kuvugura kutura ku yavo avaveeye namagovi ga mabesa gaavo.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Amosi 6:3

O, kivi keveeye ku munyi ava muvura kuvugilira ndi lidiku lidamanu liekivi liizaa navuzwa gamukolaa galetaa lidiku yili himbi kirage?

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Mika 3:2

Munyi mudunyiraa uvulahi na muyanzaa uvudamanu; avavagaa amagondo kutura ku avandu vange nivaveeye mwoyo kandi avatuliza zinyama ku vigumba viavo.

Zefania 1:9

Ndakahaane mageri ku vosi avasigamiraa vifananyi kandi yavo avivaa nu kwiita kunangwa vaduuki kwizuliza zinyumba zia vami vaavo ni vindu via valanyi.”

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Luka 3:11

“Oveeye ni zinguvu ziviri ahaane ku oyo utali nayo; na oveeye ni viu kulia akole ndio.”

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.