Ezekieli 18:6 - KITABU KITAKATIFU

⁶ Mundu uyu siasigamiraa vifananyi via vandu va Isiraeli anoho kulia visiuviliru ku vigulu mba; anoho si yonogonyaa mukali wu mutende weve anoho kulia visiuviliru ku vigulu mba; anoho siagonaa nu mukali mu madiku geege gu mweli mba.

Ezekieli 18:6 ပူးပေါင်းရင်းမြစ်များ

Zaburi 121:1

Mbenzaa ku vigulu; ovokonyi vwange vulatula haliha?

Kutwula 34:15

Mutahambani na avandu vi kivala yicho mba, kigira ulwa vasigamira avanyasaye vatamanyikani nu kuhaana kuvo visiuviliru, valamugenihiza, kandi mulagelizwa ukulia harara navo viukulia viavahanaa ku vanyasaye vaavo.

Tsing'ano 6:29

Yaga gaveeye vuzwa madamanu kuli musaza okolaa ovoheyi nu mukali wu musaza wundi. Oyo okolaa yaga, alakahevwe mageri.

Ezekieli 18:15

kuli kulia visiuviliru kuvigulu, anoho avuli kusigamira vifananyi via vandu va Isiraeli, anoho avuli kwonogonyia mukali wu mutende weve,

Ezekieli 18:5

“Mundu musuuvirifu akolaa agaveeye amalahi kandi amalungi.

Ezekieli 20:24

Ndaakola yaga kigira vaali nivavunamyi lilago liange kandi nivasuyi amalago gange, kandi vaali nivononyi lidiku liange lie Lisabato, kandi nivasigamiri vifananyi vilala viere via vaguuga vaavo vaasigamira.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 20:7

Ndaavavoolera valeke avanyasaye vukuvihiliriza, avavaali ni vayaanza kandi vavuli kweyononyia na vanyasaye va Egebeti vuvugadi, kigira Inzi mbeeye Yahova Nyasaye wavo.

Ezekieli 6:13

Miviri jaavo mikuzu jilakasalanywi hagati hi vifananyi kandi ku vwali vwosi, najisalanywi ku vuli tugulu tutambi, kondongozi ya vuli kiguru, isi wumusala gwosi umuvisi kandi nu muduguyu gwosi munene, na havundu hoosi aha vasambira visiuviliru ku vifananyi viavo. Maku vuli mundu namanyirizi ndi inzi mbeeye Yahova.

Kyavalevi 20:10

Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

Kyavalevi 20:18

Niiva musaza agona numukali mu ing'inga yeeye yumweli, kuduuka vombi vakungwi kutura hagati ha vandu vaavo kigira vamali kuvunanyia malago.

Livalidza 25:2

Avakali yava vaavagenihiza mu lilia lie Lisavo lie visiuviliru via vanyasaye va Moabu. Avandu va Isiraeli valia viukulia kandi vasigamira vanyasaye vaavo.

Matayo 5:28

Navuzwa inzi muvooleraa, mundu woosi ohenza mukali ma amukayirwi, amali koheya naye mu mwoyo gwigwe.

1 Vakorintho 10:20

Awa! Agamboolaa gaveeye ndi: kuhaana kisiuviriru ku vwali vwa vandu vatamanyi Nyasaye, kihanwa ku mademoni, na sigaveeye ku Nyasaye mba. Sinyenyaa munyi muve ni lisanga harara na mademoni mba.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.