Ezekieli 18:24 - KITABU KITAKATIFU

²⁴ “Navuzwa lwu mundu mulungi aleka kokora uvulungi na akole uvwoni vwa vandu vadamanu vakora, mundu uyu alamenya? Awa! Uvulahi kandi uvulungi vwivwe vwa yakola si ndizuliza kandi mba. Alakuza kigira umali kokora uvugadi kandi kigira uvwoni vwa mali kokora.

Ezekieli 18:24 ပူးပေါင်းရင်းမြစ်များ

2 Kyetsinyinga 24:2

Mulimenya liile liosi yakola agayaanziza Yahova mu mihiga josi ja Jehoyada musaalisi, yaali nakikiri mwoyo.

Zaburi 125:5

Navuzwa lwa uhaana mageri ku avachamu, uhaane mageri kandi ku yavo avalekaa zinzira zizio. Mirembe jive ku Isiraeli.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Tsing'ano 21:16

Mundu woosi uturaa kunzira yilimanya, aladuuka mulikuza.

Jeremia 34:16

Navuzwa mwamanya nimugirung'anyia zing'anagani zienyu kandi nimuvula kumba luyali. Munyi vosi mwavugula avatugwa vamwali nimwavoholora kuli venya, kandi mwavaniga kugwa avatugwa.

Ezekieli 17:20

Ndaavambura mutego kumutega, na gulamugumila. Ndamuhila Babiloni nu kumuherayo amageri, kigira siyaali musuuvirifu ku inzi mba.

Ezekieli 18:18

Kigira baba weve yaakola uvugaadi kandi niyiva, kandi naakora uvudamanu hagati havandu, kunangwa yakuza kigira uvwoni vwivwe umwene.

Ezekieli 18:22

Ndasamiiha uvwoni vwivwe vwosi, na sindavwizuliza kandi mba, kigira yakola agaali amalahi kandi amalungi.”

Ezekieli 18:26

Lwu mundu mulungi alekaa kokora uvulungi maakora uvudamanu, akuzaa kigira uvudamanu vwa mali kokora.

Ezekieli 20:27

“Maku kalunu, Mwana wu Mundu, ovoolere avandu va Isiraeli aga Inzi Yahova Wuvunyali mboraa. Yili ni liiva lindi lia vaguuga vaavo vaanyegera mu likora uvugadi.

Ezekieli 33:18

Niiva umundu mulungi alagirung'ana nokoleka vulungi na akole vudamanu, alakuza kigira likora vudamanu.

Ezekieli 33:6

Niiva musikari alalola musigu niyaza kandi avuli kukuba lwanga, musigu alaza kandi aliita avoni yavo, navuzwa ndadula musikari kigira likuza liavo.

Zefania 1:6

Ndakadivizi yavo aviranaa inyima kandi yavo avavuraa kuuza ku inzi anoho avavuraa kondeeva kuvimilira.”

Marko 13:13

Avandu vosi valakamusuuli kigira ilieta liage. Navuzwa uyu uliekuzira kuduuka kukeheri alakahonywi.

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Vagalatia 3:3

Munyala kuva ndi avasiru kuli ndio? Munyi mwatangila mu zinguru zia Roho wa Nyasaye, kalunu mwenya kumalirizira mu zinguru zienyu ziu muviri?

Vagalatia 3:4

Munyi mwavitira mu vusaliri vonene kuli yivwo kulwa vuzwa? Si ganyala kuva ndio mba!

Vagalatia 5:7

Mwaali ni mukoraa vulahi! Nivwaha wamwigalira muvura kolonda agiligali? Yamugoonya kuli ndi?

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

2 Yohana 1:8

Kunangwa mwilindi munyi aveene muvuli kogotiza vindu yivio via kumali kuyinzilira, navuzwa muduuki konyoora amadanyi ginyu muvuduukiru.

Yudasi 1:12

Avandu yava vaveeye ni zing'anagani zindamanu kuvitira mu vikolwa viavo vie zisoni nu vuhuvaali. Vohonyie viukulia via mulizaa navo harara. Viganaganaa vuzwa vene. Vaveeye kuli amalesi gahuzwa vugira kukubiza imbura. Vaveeye kuli imisaala vugira matu jamala kwitwa kandi jakuza jitanyala kwama makuyu.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 3:11

Nziza vwangu. Ugumiri vudinyu icha oveeye nacho. Atava ho nu mulala uhiraa itaji yooyo yi liguuta.

1 Samweli 15:11

“Mbereraa ndi ndaakola Saolo kuva Mwami; umali kugirung'ana kutura ku inzi kandi uvuli kuhulira malago gange.” Samweli yavihilirwa ligali, na uvudiku vwosi yanira ku Yahova namugoonyaa.