Ezekieli 18:20 - KITABU KITAKATIFU

²⁰ Mundu okolaa uvwoni alakuza. Mwana sialasalira kigira uvwoni vwa baba weve mba, anoho baba sialasalira kigira uvwoni vwu mwana weve mba. Mundu mulungi alanyoola madanyi ku likora uvulungi, kandi mundu mudamanu alasalira kigira uvudamanu vwakolaa.

Ezekieli 18:20 ပူးပေါင်းရင်းမြစ်များ

1 Avami 14:13

Avandu vosi va Isiraeli valamusiomera nukumuyavira. Alava niyie yeng'ine wi nyumba ya Jeroboamu waza ayavilwi vulahi, kigira oyo niyie yeng'ine wa Yahova Nyasaye wa Isiraeli, ayanziziywi naye.

1 Avami 8:32

O, Yahova, hulira noveeye mwigulu na ukalagiri vatumikiri vovo. Haana mageri ku muhioli kuli gamudukira, na ulakuuli oyo utali nimbala ave.

2 Avami 14:6

Navuzwa siyiita avana va valumindi yavo mba, navuzwa kolondekana na agang'odwa mu kitabu chi Lilaga lia Musa, umwa Yahova yavoola, “Vivuli si valitwa kigira uvwoni vwa vana vaakora mba; kandi avana sivaliitwa kigira vwoni vwa vivuli vakora mba. Mundu aliitswa vuzwa kigira uvwoni vwa oyo mwene amali kokora.”

2 Kyetsinyinga 25:4

Navuzwa si yita avana vaavo mba, navuzwa yalonda lilaga lia Yahova yalaga mu malago ga Musa: “Aviivuli si valitwa kigira uvwoni vwa avana vaavo mba, anoho avaana sivaliitwa kigira uvwoni vwa viivuli vaavo mba, navuzwa mundu sa mulala aliitwa kigira uvwoni vwivwe umwene.”

2 Kyetsinyinga 6:23

O, Yahova, hulira noveeye mwigulu na ukalagiri mutumikiri woovo. Haana mageri ku mudamanu kuli gamudukira, na uleke oyo utali nu vudamanu ave.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Kutwula 32:33

Yahova yavolera Musa, “Vandu vosi vamali kokora vwoni ndatuliza amita gaavo mu kitabu change.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Ezekieli 14:14

Kali niiva vandu vavaga yava, Nuhu, Danieli na Ayubu vamenyi mu kivala yiki, valahona kigira uvulungi vwavo.” Yahova Wuvunyali umali kovora.

Ezekieli 14:16

Kali niiva vandu vavaga yava vamenyi mu kivala yiki; gaveeye giligali inzi kuli Yahova Wuvunyali, nimbeeye Nyasaye omenya, avandu yava sinavanyala kohonyia avayaayi vaavo na vakana vaavo mba. Navahonyie livamwoyo liavo, navuzwa kivala nakitigale changalangwe.

Ezekieli 18:13

kandi kwegobiza mabesa nu konyoora vukala. Mundu uyu si alamenya mba, kigira yamala kokora vindu vinyingi viukuvihiliriza. Maku alakuza kandi aladulwa kigira likuza lilie.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Ezekieli 33:10

Yahova ya moloma na inzi. Yavoola, “Mwana wu Mundu, ovoolere nu kwilanira makuva ga avandu va Isiraeli vavoola: ‘Vwoni vwitu kandi uvudamanu vwitu vwa kumali kokora voveeye vuliduhu ku kunyi; Kunyi kung'aha. Kunyala ndi komenya?’

Ezekieli 33:6

Niiva musikari alalola musigu niyaza kandi avuli kukuba lwanga, musigu alaza kandi aliita avoni yavo, navuzwa ndadula musikari kigira likuza liavo.

Ezekieli 4:4

“Maku ogone hasi kolovega lwu mukono gugwo umumosi, na ndaviika mageri ga vandu va Isiraeli ku ivi. Ulaginga uvwoni vwavo ku madiku goosi gogona hasi.

Kyavalevi 10:17

“Kigira ki muvuli kulira kihanwa chu uvwoni havundu ahatakatifu? Keveeye kitakatifu ligali, kandi Yahova umali kukihaana ku munyi aduuki kutulizaho uvwoni vwa avandu vosi.

Kyavalevi 16:22

Imburi zana ilaginga vudamanu vwavo vwosi nokuvuhila mukivala kitaveeye mu navandu. Mundu zana alalakuula imburi zana mwigendanyama.

Kyavalevi 19:8

Mundu woosi ulia ku, alava muhioli na alahevwa mageri kigira wononyi chaviikwa halovega kigira Inzi, Yahova. Mundu oyo sialavalizwa kuva mulala ku avandu vange mba.

Kyavalevi 5:1

Niiva mundu woosi alalaangwa ahaane lilolekiza mu kiyaalo navuzwa avuli kovora makuva ku kindu cha amali kolola anoho ahuliyi, alava muhioli na gamuduukira ahevwe mageri.

Kyavalevi 5:17

Niiva mundu woosi alakola uvwoni nukuvunaga lilala ku malago ga Yahova yalaga vugira kusaavira, aveeye nilihiolo, na kuduuka ahaane mutungu gwu kuvunanyia lilago.

Livalidza 15:31

kigira umali kolegeriza likuva lia Yahova, kandi umali kuvunaga malago geege. Mundu uyu aliitwa kigira uvwoni vwivwe umwene.

Livalidza 18:1

Yahova yavolera Haruni, “Ivi, vayaayi vovo na vandu va Levi gamudukira munyore amageri kolondekana na mahiolo gu vutumiki mu lihema liange. Navuzwa ivi harara na vayaayi vovo mulanyola mageri kigira vutumiki kuli vasaalisi.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Kwidzulitsa 24:16

“Aviivuli vatiitwa kigira uvwoni vokolwa na avana vaavo mba, kandi avana vatiitwa kigira uvwoni vokolwa na aviivuli vaavo mba. Mundu yiitwi vuzwa kigira vwoni vwa oyo umwene amali kokora.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.