Ezekieli 17:23 - KITABU KITAKATIFU

²³ Ndagusimika kukigulu cha Isiraeli kitambi ligali. Gulasivuka zisia kandi gulama makuyu gulava mudaragwa mulahi ligali. Zinyama zing'ano ziosi zilamenya isi wagwo, kandi amanyonyi zing'ano ziosi zilalomba zinyumba mu zisia ziagwo.

Ezekieli 17:23 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 80:8

Ivi waleeta avandu vovo avaveeye kuli muzabibu kutura Egebeti; wakunga zihiiri zindi ziosi ziamenya mu kivala cha Kanaani. Kandi waleka avandu vovo ni vavugura kivala yiki.

Lwimbu lwa Solomoni 5:15

Vilenge vivie viveeye vilungi kuli zitiru zialombwa ku muse gwa magina gi zahabu. Aveeye nu vukumi kuli vigulu via Lebanoni harara ni midaragwa mitambi.

Isaya 2:2

Mu madiku gaaza, kukigulu kwi Litembeli lia Yahova liumbakwa kilava igulu ligali kuvita vigulu vindi viosi. Na zihiiri zinyingi valagenda kuzia kucho.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 49:18

Heenzi zimbega ziosi mulole agaakoleka! Avandu vinyu vazaa kwivungiza harara vazaa yengo; Ligali kuli inzi mbeeye Nyasaye oveeye mwoyo, munyi muligingilira avandu vinyu, kuli umwiha yiyanziza ni yisiahi iviuma.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Ezekieli 20:40

Mu kivala yicho, ku kiguru change kitakatifu, kiguru cha Isiraeli kitambi, munyi mwosi avandu va Isiraeli mulakasigamiri. Ndakamuvugiliri kandi ndaakayanzwi ni munyi koleta ku Inzi visiuviliru vienyu, Isadaka yinyu indahi ligali kandi vihaanwa vienyu vitakatifu.

Ezekieli 31:6

Vuli zing'ano ziosi zia manyonyi, ziumbaka zinyumba ziazio mu zisia ziu musaala yigu; zinyama ziu mu vulimu zivuliraa vana vazio mu chiriri chu musaala yigu. Zihiiri ziu mu kivala zisoseraa mu chiriri chagwo.

Ezekieli 36:8

Navuzwa misaala jiraviruka kandi ku vigulu via Isiraeli, kandi jilama makuyu kigira vandu vange Isiraeli; munyi muveeye ahimbi kwirana yengo.

Ezekieli 40:2

Mu malola, Nyasaye yambira mu kivala cha Isiraeli ma niyaambika ku kiguru kitambi. Ndaalora zinyumba imbiri wange zialoleka kuli Lidaala linene.

Danyeli 4:8

Mu limalirika, Danieli walangwa Baliteshaza wagulikwa lieta liu, munyasaye wange yaza imbiri wange. Roho gwa vanyasaye vatakatifu gwaali muye. Kunangwa ndamuvolera maloto gange.

Danyeli 4:9

Beliteshaza mwami wavasigitiri vosi, ndamanya ndi roho gwa vayasaye mutakatifu goveeye mu ivi kandi oveeye ni limanyiriza lie vilolekizu viosi. Yaga na maloto gange; mbolera cha gavoora.

Hosea 14:7

Valirana ku Inzi kandi valamenya mu likingwa liange. Valaviruka nokomedeka kuli uvuswage, kandi valama makuyu kuli muzabibu. Valava ni lifunya liu mwayu mulahi ligali kuli Iwaini ya Lebanoni.

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Matayo 13:32

Ulwene loveeye lokekeeke kuvita uvuguza vundi vwosi, navuzwa lwa lomeraa, luvilukaa luduuki lonene kuvita vitagwa viosi, ma lugwa musaala, kandi amanyonyi gi yigulu galombaa zinyumba viduku mu zisia ziagwo.”

Marko 4:32

Navuzwa lwa lutagwa, lomeraa nukugwa kitagwa kenene ligali kuvita vitagwa viosi; lutulizaa zisia zinene kuduuka amanyonyi gigulu galuhaa gumbakaa hasi mu chiriri chagwo.”

Luka 13:19

Voveeye kuli luguza lwi lisaazi lwu mundu mulala yavugula nataga mu mulimi gwigwe. Lwaviruka kuduuka nilugwa musaala. Manyonyi gigulu gumbakaa zinyumba ziago kuziisia ziagwo.”

Yohana 12:24

Muvooleraa agiligali, enzori yi ingano itigalaa yenyine vuzwa nitagiywi mu marova ma ikuze, itigalaa yeng'ine. Navuzwa niiva ilakuza, yaama ingano inyingi.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”