Ezekieli 17:19 - KITABU KITAKATIFU

¹⁹ Kulwayago, Yahova Wuvunyali avoora, “Ligali Inzi kuli mbeeye Nyasaye omenya, ndahaana mageri kuye kigira umali kuvunaga lilagana liayisuuha ku lieta liange.

Ezekieli 17:19 ပူးပေါင်းရင်းမြစ်များ

1 Avami 2:32

Yahova alaha Joabu amageri ku liita lia yakola vugira limanya lia baba wange Daudi. Joabu yita avasaza vaviri avaari avalahi ligali, Abineri, munene wi liihi lia Isiraeli kandi Amasa, munene wi liihe lie Ivuyuda.

1 Avami 2:33

Amageri kigira liitwa liavo galagwira Joabu kandi ku kisukururwi chiche mihiga ni mihiga. Navuzwa Yahova alahaana uvuguuti kazozo ku kisukururwi cha Daudi, aviikalaa kondeve yu vwami vwivwe.”

Jeremia 27:8

“Navuzwa niiva ihiiri yoosi anoho uvwami vwosi si vulatumikira Nebukadineza mwami wa Babiloni, kandi niiva si valamutia nu kwegehiza imbiri weve, inzi Yahova ndahaana amageri ku ihiiri yeyo mu liihi, ninzara enene kandi nuvulwaye kuduuka lwa mwami Nebukadineza avadiviza ligali.

Jeremia 37:17

Lwinyima mwami Zedekia yatumana nzie, kandi hene yaho munyumba yu vwami yaandeva mu vwivisu, “Likuva liveeye kuho kutura ku Yahova?” Ndaamutivulira kandi nimeeda kovora, “Liveeyeho, Ivi uraviikwa mu zinguru ziu mwami wa Babiloni.”

Jeremia 5:2

Kali niiva muvooraa musigamira Yahova, simukola agagiligali mulimusigamira liinyu mba.

Jeremia 5:9

Nyara kuvaha amageri kigira kokora vindu kuli yivi, kandi kuvanza kisaalia ku ihiiri kuli yiyi?

Ezekieli 16:43

Mwamala kwivilira kuli ndamukolera lwa mwaali avasoleri, kandi mumali kongola kuva nu vutima kigira ivindu viosi viamumali kokora. Yiki nicho kigira mali kumukola mutungi viosi. Kigira ki munyi mwameeda miyinzi jumuviri kuvindu viosi viukuvihiliriza viamwakola?” Yahova Wuvunyali umali kovora.

Ezekieli 16:59

Yahova Wuvunyali avoora, “Inzi ndamukolera kuli gamuduukira, kigira mwaregeliza lilagana lienyu kandi nimuvunanyia Lilagana Liandalomba.

Ezekieli 17:18

Yaavunaga lilagano kandi liesuuha lilie liayaali nalombi. Yakola vindu yivi viosi, na kalunu si alahona mba.”

Ezekieli 17:20

Ndaavambura mutego kumutega, na gulamugumila. Ndamuhila Babiloni nu kumuherayo amageri, kigira siyaali musuuvirifu ku inzi mba.

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Kwidzulitsa 5:11

“Mutatala vuzwa lieta liange inzi Yahova Nyasaye winyu mba kigira inzi, Yahova Nyasaye winyu ndahaana amageri ku yavo avatala lieta liange vugira kivuni.