Ezekieli 17:18 - KITABU KITAKATIFU

¹⁸ Yaavunaga lilagano kandi liesuuha lilie liayaali nalombi. Yakola vindu yivi viosi, na kalunu si alahona mba.”

Ezekieli 17:18 ပူးပေါင်းရင်းမြစ်များ

2 Avami 10:15

Lwa Jehu yatura ho kandi, yagana na Jehonadabu, muyaayi wa Rekabu; uwaali ni yaazaa kumwaganira. Jehu yamucheliza navoora, “Ivi ninzi kuganaganaa kindu kilala ulanyunga umukono?” Jehonadabu yativura, “Yee, ndakora ndio.” Jehu yativura, “Niiva gaveeye ndio, mbe mukono gugwo.” Vaagumirana makono, na Jehu yamukonya kuniina mu ligare lilie,

1 Kyetsinyinga 29:24

Avanene vosi na avasikari, kandi na vayaayi vandi vosi va Daudi visuha kuva avasuuvirifu ku Solomoni kuli mwami.

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

Kohelethu 8:2

Utie lilago liu mwami, kandi utalomba lilagana lia vwangu ku Nyasaye mba.

Lisyoma lya Jeremia 5:6

Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

Ezekieli 17:15

Navuzwa Mwami wi Ivuyuda yibaala kandi natuma avatumwa kuzia Egebeti koleta zibarasi harara ni liihi lia vandu vanyingi. Alaguuta? Mundu okolaa vindu yivi anyala kohononoka? Anyala kuvunaga lilagano ma avuli konyoora mageri?”

Ezekieli 17:16

Yahova Wuvunyali avoora, “Ligali inzi kuli mbeeye Nyasaye omenya, Mwami uyu alakuzira Babiloni kigira yaavunaga malagano geege kandi ni liesuuha lia yaali naalombi nu Mwami wa Babiloni, uwaamuvika kondeve yu Vwami.

Ezekieli 17:19

Kulwayago, Yahova Wuvunyali avoora, “Ligali Inzi kuli mbeeye Nyasaye omenya, ndahaana mageri kuye kigira umali kuvunaga lilagana liayisuuha ku lieta liange.

Ezekieli 21:23

Avandu va Jerusalemi vasuuvira yaga mba, kigira lilagana lia vamali kolomba. Navuzwa lievuula yili lilavizuliza uvwoni vwavo kandi kuviganihiza ndi valakagumilwi.