Ezekieli 16:7 - KITABU KITAKATIFU

⁷ Ndaamukora nimuviruka kuli kitagwa kinifu. Mwaviruka nizinguru nimutambiha kandi nimuva kuli magina guvuguli malahi ligali. Zimbeere zienyu zialombwa vulahi, kandi liisu lienyu liatambiha, munyi avaari chahonyo kandi vugira kindu.

Ezekieli 16:7 ပူးပေါင်းရင်းမြစ်များ

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Zaburi 135:4

Yahova yatovola Yakobo kuva weve umwene, kandi yatovola avandu va Isiraeli kuva mwandu gwigwe mwene.

Zaburi 147:20

Akikiri kokora yaga ku zihiiri zindi; kandi sivamanyi malago geege mba. Mwizominye Yahova!

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Kutwula 1:7

Navuzwa vandu va Isiraeli viivulana nivagwa avanyingi ligali, kandi vizingulu ligali ma niviizura mu kivala cha Egebeti.

Kutwula 12:37

Avandu va Isiraeli vatanga logendo kutura Ramesesi nivahenzi kuzia Sokozi. Vaali ahimbi avandu vasaza vaduuka zielefu mia sita vugira kuvaliza avakali na avana.

Kutwula 3:22

Vuli mukali wa Isiraeli, alazia ku mutende weve mu Egebeti nu ku mukali woosi Umwegebeti omenyi munyumba yeeye amusave zinguvu kandi viju vie izahabu ni ifeza. Avandu va Isiraeli valaviika vindu yivi ku avayaayi na vakana vaavo na valazia nuvutugi vwa vandu va Egebeti.”

Lwimbu lwa Solomoni 4:5

Zimbeere zizio ziveeye kuli zimbongo, visusu viamalongo viaya hagati hi vimuli.

Lwimbu lwa Solomoni 8:10

Inzi mbeeye kuli lidigi, kandi zimbeere ziange ziveeye kuli minaara, muyanze wange yamanya ndi nyora lidinyirizwa ni mirembe kutura kuye.

Lwimbu lwa Solomoni 8:8

Koveeye na mbozo musoleri zimbeere zizie zigikiri kuviruka kulakola ki kuye lwu muyaayi musoleri yaza kumuteeva?

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 62:3

Mulava kuli igudwa indahi mu mukono gwa Yahova, kandi kuli itaji yu vwami mumukono gwa Nyasaye winyu.

Ezekieli 16:16

Mwavugula zindala ku zigaanza zienyu nimulomba ahukusigamira vifananyi nanimukolelaku kuzio uvoheyi. Vindu kuli yivi sividukana viekoleke ku kali hakuzu mba.

Ezekieli 16:22

Mu ing'inga yilimenya lienyu lielivihiliriza kuli avandu vataveeye avasuuvirifu, si mwizulizaa ku kali hakuzu madiku govosoleli mba; kali lwa mwaali chahonyo nimwivaki masahi ginyu.”

Ezekieli 16:6

“Maku ndaavitiraho kandi nindora nimugaragaraa mu masahi ginyu. Mwaali nimwivaki masahi, navuzwa sindaali nyara koleka mukuzi mba.

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Vikolwa 7:17

“Lwi ing'inga yaduuka, Nyasaye aduukizi lilagana lia yalagana na Aburahamu, livaliza lia avandu vaali mu Egebeti liali ni limali komeedeka ligali.

Kwidzulitsa 1:10

Yahova Nyasaye winyu umali kokora munyi kuva avanyingi. Kalunu mumali kuva avanyingi ligali kuli zing'ereng'ani ziu mwigulu.

Kwidzulitsa 1:11

Yahova, Nyasaye wavaguuga vinyu, amukole mumedeke haali elefu kuvita kuli muveeye, kandi amugasizi kuli yamusuuviriza.

Kwidzulitsa 4:8

Sihaveeye ho ni hiiri yindi, kali neveeye enene ndi, eveeye na malago ni likalaga agaveeye amalungi kuli yaga aga mali kumwigiza kalunu.