Ezekieli 16:57 - KITABU KITAKATIFU

⁵⁷ kandi inyima wi zimbi ziamwali nimwakola nizikikiri kulang'aminywa? Kalunu muveeye vuzwa kuli yavo; kehenyahenye ku vandu va Edomu, avandu va Filisitia, kandi navatende vinyu vandi ava muvihilira.

Ezekieli 16:57 ပူးပေါင်းရင်းမြစ်များ

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Isaya 14:28

Yili ni likuva lialandizwa mu muhiga gwu mwami Ahazi yakuza.

Isaya 7:1

Lwu mwami Ahazi, muyaayi wa Jozamu na umwisukulu wa Uzia, yaali niyamiha Ivuyuda, uvulwani vwatanga. Rezini, mwami wa Siria, na Peka muyaayi wa Remalia mwami wa Isiraeli, vingilira lidaala linene lia Jerusalemi, navuzwa sivanyala kuligumira mba.

Jeremia 33:24

“Ivi oveeye ni limanyiriza ku makuva ga vandu vavoola ndi, Inzi mali kusura avandu va Isiraeli kandi avandu vi Ivuyuda, ava inzi ndaatovora? Avandu yava vachayi kandi valegerizi avandu vange, na si vavavuguye kuva kandi ihiiri imbiri wavo mba.

Lisyoma lya Jeremia 4:22

O, munyi avandu va Ziyoni, mumali koheevwa mageri kigira uvwoni vwinyu Yahova si alaleka muzizagiliri komenya mu lihaminywa mba. Navuzwa munyi avandu va Edomu Yahova alahaana mageri kumunyi kigira uvwoni vwinyu; kandi alalang'aminya vikolwa vinyu viuvwoni havulavu.

Ezekieli 16:27

“Kalunu ndamuha mageri kandi ndavugura kedonye chiinyu chuvugasu vwange. Inzi mali kumuviika ku vandu va Filisitia, avavihilirwa munyi kandi vavihilirangwa ni vikolwa vienyu viu muviri.

Ezekieli 16:56

Munyi si mwakolera mukaana winyu Sodoma kehenyahenye mu madiku gamwaali nimwelora

Ezekieli 21:24

Yaga nigo aga Inzi, Yahova Wuvunyali, mboraa: Uvwoni vwinyu vuvikiywi havulavu. Mahiolo ginyu gamanyikani ku vuli mundu. Mumanyia uvwoni vwinyu mu vuli kindu choosi chamukolaa. Gamuduukira mukalagilwi, kandi inzi ndamuviika ku vasigu vinyu.

Ezekieli 22:4

Muveeye ni lihiolo kigira avandu va mwita kandi mwayonogonywa ni vifananyi via mwalomba. Kulwayago lidiku lienyu liveeye ahimbi kandi mihiga jiinyu jimali kuduuka! Yiki nicho kigira Inzi mali koleka zihiiri zimukolere ekehenyahenye kandi vivala viosi vimuseke mulilegelizwa.

Ezekieli 23:32

Yahova Wuvunyali avoora, “Ulanyora mageri malala mere, kuli aga mwavo woovo yanyoora; gaveeye manene kandi amalulu. Vuli mundu alakusekeriza kandi alakokolera kehenyahenye; amageri yaga gaveeye maduukiru.

Ezekieli 27:16

Avandu va Edomu vaakora likiranyia ni munyi kigira uvutugi vwinyu vunyingi. Vaamugulizira zinguvu ziu vulidadi vwi mizambarao, zinguvu ziu vong'orang'ore, zikatani zindahi ligali, na magina makanyu guvuguli. Vaamugulizira kigira vutugi vwinyu.

Ezekieli 5:14

Ndamukora muve hazwa kandi mulanyegwa hagati hi zihiiri zimukumberizi, kandi imbiri wa yavo vosi avavitaa ahimbi nu munyi.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Hosea 2:10

Ndamutuliza zinguvu zizie atigale chahonyo imbiri wa vasaza veve, kandi si naveho mundu kali mulala ulimuhonyia kutura mu zinguru ziange mba.

Hosea 7:1

“Lwa inzi nyenya kohonyia avandu vange Isiraeli nukuvakola vazizagiliri kandi, goosi agandolaa nuvuchamu vwavo kandi nizimbi ziavakola. Vagaadana aveene ku aveene; viguula muzinyumba niviva; vanuraa vandu muzinzira.

Zefania 3:19

Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Livalidza 23:7

Baalamu yavoola voporofeti yivu; “Balaki mwami wa Moabu yandeti, kutura Siria, mukivala chi vigulu vie Ivugwi. Yavoola, ‘Hamba omolomere, ulaame avandu va Isiraeli.’

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.