Ezekieli 16:49 - KITABU KITAKATIFU

⁴⁹ Oyo harara navakaana veve velola kigira vaali niviukulia vinyingi kandi vamenya mu mirembe, navuzwa si vahendera mwoyo avadaka navandu vaali nilienya mba.

Ezekieli 16:49 ပူးပေါင်းရင်းမြစ်များ

Litanga 13:10

Loti yahenza muzimbega ziosi kandi nalora livona liosi lia Jorodani kutura Zohari liali na mazi manyingi kuli mulimi gwa Yahova anoho kuli kivala cha Egebeti. Yaga gaali imbiri wa Yahova yaali nakikiri kudiviza madaala manene ga Sodoma na Gomora.

Litanga 13:13

uwa vandu valio vaali avachamu kandi vakora uvwoni ku Yahova.

Litanga 18:20

Maku Yahova yavoola, “Aburahamu, inzi mali kuhulira ndi avandu va Sodoma na Gomora vakolaa uvudamanu vwizing'ano ziosi.

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Litanga 19:9

Navuzwa avandu yava vavoola, “Tulayo kuviti ivi mundu oveeye mugeni vuzwa mukunyi! Ivi oveeye vwaha okovolera agakokola? Tulayo kuviti, anoho kulakokolera vudamanu ligali kuvita sakwali kuvakokolere.” Avandu yava vaalumba Loti ni vazia kuvunaga muliango.

Zaburi 138:6

Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Tsing'ano 16:5

Yahova adunyiraa mundu woosi oveeye mwelori, na sialahononoka kohevwa mageri mba.

Tsing'ano 18:12

Avulaho mundu unyala konyoora luyali, nategehizi, avandu vikirage vaveeye kunzira yu kudivizwa.

Tsing'ano 21:13

Nusuula kuhuliriza kulianira liumundu mudaka, lianira liilio kwenya ovokonyi sililahulirizwa mba.

Tsing'ano 21:4

Avandu vachamu vamifwa ni liegingira kandi lielola, yaga nuvwoni.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 16:6

Avandu vi Ivuyuda vavoola, “Kumali kuhulira kuli avandu va Moabu vaveeye avigingiri. Koveeye nilimanya ndi vaveeye nikirage kandi avelori; navuzwa lievoola liavo liveeye liavuzwa.”

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Isaya 47:8

“Kalunu muhuliri yaga, munyi avandu vamenya mu liiva liu kwiyaanziza, munyi avaganaganaa mwahona. Musuuviraa muveeye avanene kuli Nyasaye, kandi siaveeye ho nu mundu wundi kuli munyi mba. Mwaganagana simunyala kuva avakunzakali mba anoho avana vinyu sivanyala kukuza mba.

Jeremia 48:11

Yahova avoora ndi, “Avandu va Moabu vamenya mu likingwa kazozo, na sivahilwaku mu vuhambe mba. Vaveeye kuli iwaini iviikiywi mu kiju kilala vujira kwituruka kutura mu kiju kilala kuzia mu kiju kindi. Ovonolu vwayo si vwayononywa mba, kandi lizazama liayo liveeye lilahi kazozo.

Ezekieli 16:46

“Mukaana winyu munene ni Samaria omenyi na vakana veve Ivaale winyu; mukaana winyu mukekeeke ni Sodoma omenyi Isavaalu harara na vakana veve.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Ezekieli 23:42

Muliviti gwi kiduma cha vandu gwahulirika, muganda gwa vandu vahambiku kutura mwigendanyama. Vaviika madongolo ku makono ga vakali yava kandi ni zitaji zindahi ligali ku mitwi jaavo.

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Luka 17:28

Galakave kuli gaali mu ing'inga ya Loti. Avandu vosi vazizagilira kulia, nukunwa, kugura nukuguliza, kutaga kandi kwumbaka.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Yakobo 5:5

Livamwoyo lienyu hano ku lirova limali kwizura nu vweremerizi, ni lienyaanziza. Mwayekomeriza munyi aveene kwetegekera lidiku liukwitwa.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

Likunula 11:8

Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.