Ezekieli 16:48 - KITABU KITAKATIFU

⁴⁸ Yahova Wuvunyali avoora, “Nagiligali kuli mbeeye Nyasaye oveeye mwoyo,” mukaana winyu wa Sodoma kandi navandu vu tudaala twitwe si vaakora ku uvudamanu vwa ivi navandu vutudaala tutwo vamali kokora mba.

Ezekieli 16:48 ပူးပေါင်းရင်းမြစ်များ

Ezekieli 16:46

“Mukaana winyu munene ni Samaria omenyi na vakana veve Ivaale winyu; mukaana winyu mukekeeke ni Sodoma omenyi Isavaalu harara na vakana veve.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 16:52

Kandi kalunu ivi ulava muzisoni ligali. Avakaana vinyu vafana avataveeye nimbala lwavaveeye ahimbi nivi, kigira uvwoni vuvwo voveeye vudamanu ligali kuvita vwavo. Kalunu odegere kandi ove muzisoni, kigira okolaa avakaana vinyu kufana avalahi.”

Ezekieli 5:6

Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Marko 6:11

Navuzwa hoosi ha vandu valivula kumwingiriza anoho ku muhulira, muturi ho namweye uluguchi lwu mu zinduvatiru zienyu, yaga gave ekelolero kuvo.”

Luka 10:12

Ligali muvooleraa, Nyasaye alamanyia livererera ku Sodoma ku Lidiku lie Likalaga yilio ukuvita ku lidaala yilio.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.