Ezekieli 16:47 - KITABU KITAKATIFU

⁴⁷ Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 16:47 ပူးပေါင်းရင်းမြစ်များ

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

2 Avami 21:9

Navuzwa avandu vi Ivuyuda sivahulira Yahova, kandi mwami Manase yaavimilira kokora kali vwoni vwali vonene ligali kuvita uvwoni vwakolwaa ni zihiiri zindi zia Yahova yaali nakungi kutura mu kivala yicho lwa vandu veve viingira mu.

Jeremia 3:7

Ndaaganaganyia ndi namali kokora yaga goosi alirana kuinzi, navuzwa siyirana mba kandi amwavo weve Yuda utaveeye musuuvirifu yalora goosi.

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Ezekieli 16:48

Yahova Wuvunyali avoora, “Nagiligali kuli mbeeye Nyasaye oveeye mwoyo,” mukaana winyu wa Sodoma kandi navandu vu tudaala twitwe si vaakora ku uvudamanu vwa ivi navandu vutudaala tutwo vamali kokora mba.

Ezekieli 16:51

“Vwoni vwa vandu va Samaria vakora si voveeye inusu yu vwoni mba. Munyi mwakora ivindu viukuvihiliriza ligali kuvita aga yavo vakora. Uvwoneku vwinyu vwalomba avakaana vinyu kufana avataveeye nimbala.

Ezekieli 16:52

Kandi kalunu ivi ulava muzisoni ligali. Avakaana vinyu vafana avataveeye nimbala lwavaveeye ahimbi nivi, kigira uvwoni vuvwo voveeye vudamanu ligali kuvita vwavo. Kalunu odegere kandi ove muzisoni, kigira okolaa avakaana vinyu kufana avalahi.”

Ezekieli 8:17

Maku Yahova yambolera, “Mwana wu Mundu, ololaa yaga? Avandu vi Vuyuda yava vakikiri kuduukira mu likora vindu viosi viu kuvihiliriza via ivi umali kolola yaaha kandi nokokola kirage mu kivala choosi. Awa vaduukana vaaze kuvikolera mu Litembeli nokongola kali kuva nu vutima vunyingi ligali? Henza kuli vanyega mu liiva liosi liokokola uvudamanu!

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.