Ezekieli 16:44 - KITABU KITAKATIFU

⁴⁴ Yahova yavoola, “Avandu valatumikira lugano yilu kigira munyi, avandu va Jerusalemi: ‘Niiva mama aveeye mudamanu, nindio mukaana weve aveeye.’

Ezekieli 16:44 ပူးပေါင်းရင်းမြစ်များ

1 Avami 21:16

Nonoho Ahabu yazia mu kizabibu kukivugula kuva chiche.

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

2 Avami 21:9

Navuzwa avandu vi Ivuyuda sivahulira Yahova, kandi mwami Manase yaavimilira kokora kali vwoni vwali vonene ligali kuvita uvwoni vwakolwaa ni zihiiri zindi zia Yahova yaali nakungi kutura mu kivala yicho lwa vandu veve viingira mu.

Ezara 9:1

Inyima wa yaga goosi gaali ni gaakoleki, aviimiliri va vandu va Isiraeli vaza ku inzi nivavoora ndi, avasaalisi kandi avandu vinyumba ya Levi si vayiyahula aveene kutura ku vandu vi vivala via Kanaani, Hiti, Perizi, Jebusi, Amoni, Moabu, Egebeti kandi Amori mba. Vakora vindu vilala viere viu kuvihiliriza via vandu yavo vaakora.

Ezekieli 12:22

Yavoola, “Mwana wu Mundu, ni lugano ki lwa umali kuva nalwo yilu kigira kivala cha vandu va Isiraeli, ‘Madiku gameedeka kandi vuli malola si gatwekizangwa mba?’

Ezekieli 12:23

Kalunu uvavoolere aga inzi, Mwami Munene Yahova, mali kovora kigira yaga. Ndigalira lugano yilwo. Si valalutumikira kuli lugano mu kivala cha Isiraeli mba. Uvavoolere muvogono yivwo, ing'inga imali kuduuka lwa vuli malola galakatwekizwi!

Ezekieli 16:3

Ovavolere ga inzi Yahova Wuvunyali avavoolera: “Munyi mwivulwa mu kivala cha Kanaani. Baba winyu yaali Muamori, na mama winyu yaali Muhiti.

Ezekieli 16:45

Munyi muveeye kuli mukaana wa mama winyu yasura musaza weve kandi navana veve. Munyi muveeye kuli avakaana vinyu avavihilirwa vasaza vaavo kandi vana vaavo. Baba winyu yaali Muamori na mama winyu yaali Muhiti.

1 Samweli 24:13

Ivi umanya chu lugano lovoolaa, ‘Uvudamanu vokolangwa vuzwa na vandu vadamanu veng'ine’ Kandi ndio sindakusaaliriza mba.