Ezekieli 16:41 - KITABU KITAKATIFU

⁴¹ Navasambe zinyumba zienyu kandi navaleke muganda gwa vakali kolola amageri gamuhezaa. Ndaaza mukore kolekera kuva amalaya kandi na mukore namuleke kuhaana vihaanwa kuvayaanze vinyu.

Ezekieli 16:41 ပူးပေါင်းရင်းမြစ်များ

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

Ayubu 34:26

Ahaanaa mageri ku avoni, imbiri wa vandu vosi;

Isaya 2:18

Kandi vifananyi viosi vilakatulizwiho ligali.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Ezekieli 11:9

Ndamuvugura kutura mu lidaala linene nukumuhira kuvageni. Inzi mali kumukalagira likuza,

Ezekieli 16:33

Liraya lihevwa mitungu, navuzwa munyi muheezaa avayaanze vinyu vihaanwa kandi muvahezaa viambeti vaze kutura havundu hoosi kunangwa vagone nimunyi,

Ezekieli 23:10

Vamutuliza zinguvu natigala chahonyo, nivavugura vana veve avakaana na vayaayi, maku nivamwita ni kivavi. Avakali vandi vaamoloma havundu hoosi ku agaali nigekoleki ku Ohola.

Ezekieli 23:27

Inzi ndaheriza uvudamanu kandi uvulaya vuvwo vwosi vwakola nukikiri mu kivala cha Egebeti: Kunangwa, si ulalora kandi vifananyi anoho kwizuliza Egebeti kandi mba.”

Ezekieli 23:48

Kunangwa ndakaherizi uvudamanu mu kivala, na lilava lieganihiza ku vakali vosi vavuli kokora ovoheyi kuli vaakora.

Ezekieli 37:23

Si naveyonogonyie nivifananyi viavo viukuvihiliriza, anoho kweyonogonyia nuvwoni mba. Nambahonyie kutura mu vwoni vwavo vwosi. Nambakore kuva avasereze. Navave avandu vange kandi inzi nambe Nyasaye wavo.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Kwidzulitsa 13:11

Maku avandu vosi va Isiraeli valahulira agekoleka; na valatia ligali, kandi sihalava ho numulala hagati hinyu uwilana kokora kindu kidamanu kuli yiki kandi mba.

Kwidzulitsa 13:16

Muleete harara miandu josi ja avandu vamenyi mu lidaala yilio na muvivungizi hagati hi lidaala zana. Maku mulasaamba lidaala liosi harara ni vindu viosi viveeye mulio kuli kihanwa ku Yahova Nyasaye winyu. Kuduuka lilekwe mang'anye mihiga ni mihiga, kandi litumbakwa vuhia mba.

Kwidzulitsa 22:21

hene yaho valahila mukaana zana ha kiliango chi inyumba ya baba weve, na avasaza vi lidaala lilie valamulasa magina akuze. Yamala kokora kindu chie zisoni hagati ha avandu viitu ku likolera ovoheyi munyumba ya baba weve, nakikiri kuzia lukali. Munzira yiyi mulatuliza uvudamanu yivu hagati hinyu.

Kwidzulitsa 22:24

hene yaho vombi valahirwa ichova wi lidaala na valaswe amagina, vakuzi. Mukaana alakuza kigira siyaakuba zikwiri akonywe kali niyaali mu lidaala mba. Kandi musaza alakuza kigira yonogonyi mukali wu musaza wundi. Munzira yiyi, mulatuliza uvudamanu yivu hagati hinyu.