Ezekieli 16:32 - KITABU KITAKATIFU

³² Munyi muveeye kuli mukali okolaa voheyi navandu vageni muvogono vwukuyaanza musaza weve.

Ezekieli 16:32 ပူးပေါင်းရင်းမြစ်များ

Tsing'ano 7:19

Musaza wange siaveeye hango mba; Yaziiyi mu logendo lutambi.

Jeremia 2:25

Avandu va Isiraeli, mutasaliriza virenge vienyu mba, anoho mutava nuvuha na avanyasaye vandi mba. Navuzwa muvooraa, ‘Awa, si kunyala kwirana inyima mba. Kwayaanza avanyasaye vandi avageni. Kandi kulavasigamira.’ ”

Jeremia 2:28

“Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 3:20

Navuzwa kuli mukali utaveeye musuuvirifu, simuveeye avasuuvirifu ku inzi mba. Inzi Yahova mali kovora.”

Ezekieli 16:31

Mwumbaka havundu hukusigamira ivifananyi ku vuli inzira kandi mwakora uvulaya. Navuzwa si mwaali nilienya mabese kuli liraya lia kase mba.

Ezekieli 16:33

Liraya lihevwa mitungu, navuzwa munyi muheezaa avayaanze vinyu vihaanwa kandi muvahezaa viambeti vaze kutura havundu hoosi kunangwa vagone nimunyi,

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Ezekieli 23:37

Vamali kokora ovoheyi kandi vamali kwita. Vaakora ovoheyi ni vifananyi viavo; kali vamali kuhaana vana vange kuva visiuviliru ku vifananyi viavo.

Ezekieli 23:45

Avandu valungi valakavakalagili kigira vaakora ovoheyi kandi aviiti, kigira valoleki kuva vadamanu.”

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Hosea 3:1

Yahova yambolera, “Zia umanyie kandi vuyanzi vwuvwo ku mukali woovo okolaa kali niiva yayanzwa nu mundu uwundi na akolaa ovoheyi. Ivi kuduuka umuyanze vuzwa kuli inzi Yahova nyanza avandu va Isiraeli, kali niiva vagirung'ana nukuzia kuvanyasaye vandi kandi vayanza kuhaana vihaanwa viumuzabibu gwuminywa ku vifananyi.”

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.