Ezekieli 16:3 - KITABU KITAKATIFU

³ Ovavolere ga inzi Yahova Wuvunyali avavoolera: “Munyi mwivulwa mu kivala cha Kanaani. Baba winyu yaali Muamori, na mama winyu yaali Muhiti.

Ezekieli 16:3 ပူးပေါင်းရင်းမြစ်များ

Litanga 11:25

Nahori yamenya mihiga 119 ma niyiivura avana vandi avayaayi na vakana.

Litanga 11:29

Aburamu yaleeta mukali walangwa Sarai. Nahori yaleeta mukali walangwa Milika, mukaana wa Harani. Milika na Isika vaali avana va Harani.

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

1 Avami 21:26

Yakola vwoni vwizisoni kuvita vwosi ligali mu lisigamira vifananyi, kuli vandu va amori vaali ni vakora, va Yahova yaali niyakunga kutura mu kivala zana lwa vandu va Isiraeli visunda imbiri kukivugula.

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

Ezara 9:1

Inyima wa yaga goosi gaali ni gaakoleki, aviimiliri va vandu va Isiraeli vaza ku inzi nivavoora ndi, avasaalisi kandi avandu vinyumba ya Levi si vayiyahula aveene kutura ku vandu vi vivala via Kanaani, Hiti, Perizi, Jebusi, Amoni, Moabu, Egebeti kandi Amori mba. Vakora vindu vilala viere viu kuvihiliriza via vandu yavo vaakora.

Nehemia 9:7

Ivi, Yahova Nyasaye, watovola Aburamu kandi numwimilira kutura mu Uru mu Babiloni; Ivi wagirung'anyia lieta lilie numugulika Aburahamu.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 43:27

Avaguuga vinyu vukutanga vaakora uvwoni, aviimiliri vinyu vaangolera uvwoni,

Ezekieli 16:2

Yavoola, “Mwana wu Mundu, ovoolere avandu va Jerusalemi ivindu viukuvihiliriza via vamali kokora.

Ezekieli 16:4

Lwa mwivulwa, umundu si yakala ululera lwinyu anoho kumwisaviza mba. Kandi mundu si yamuvohelera ni ijumbi anoho kumuvoha mu zinguvu mba.

Ezekieli 16:45

Munyi muveeye kuli mukaana wa mama winyu yasura musaza weve kandi navana veve. Munyi muveeye kuli avakaana vinyu avavihilirwa vasaza vaavo kandi vana vaavo. Baba winyu yaali Muamori na mama winyu yaali Muhiti.

Ezekieli 21:30

“ ‘Viika kivavi muchura cha cho! Inzi ndamukalagira havundu hamwivulirwa, kandi mu kivala cha vaguuga viinyu.

Matayo 11:24

Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 3:7

Kunangwa Yohana yavolera viduma via avandu vaza kuye avabatizi, “Munyi avana vizinzoka! Nivwaha wa mugerihiza mwiruki vutima vwa Nyasaye vuzaa?

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Kwidzulitsa 20:17

Mudivizi avandu vosi ligali: Avahiti, Avaamori, Avakanaani, Avaperezi, Avahivi, kandi Avajebusi, kuli Yahova Nyasaye winyu yamulaga mukore.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Joshua 13:4

Gakuduukiraa uguuti kivala choosi cha vandu va Kanaani, kutura ku lidaala lia Meara iliali lidaala lia andu va Sidoni, kuduuka ku lidaala lia Afeki, ha lwako lwa Amori;

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.