Ezekieli 16:28 - KITABU KITAKATIFU

²⁸ “Munyi mwakora uvulaya na vandu va Siria, navuzwa si mwanyoola via muduuka mba. Kali inyima wa gene yago, lienya lienyu si liadukizwa mba.

Ezekieli 16:28 ပူးပေါင်းရင်းမြစ်များ

2 Avami 16:7

Kunangwa Ahazi yatuma avatumwa ku mwami Tigilazi Pileseri wa Asiria navoora, “Inzi mbeeye mutumikiri woovo kandi muyaayi woovo. Hamba yinu ombonyie kutura kuzinguru ziu mwami wa Siria kandi wa Isiraeli avamali kuuza kunzingilira.”

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

2 Kyetsinyinga 28:16

Ku ing'inga yeyo mwami Ahazia yatuma amakuva ku mwami wa Asiria naamugonyaa amuhe ovokonyi.

2 Kyetsinyinga 28:23

Yahaana visiuviliru ku vanyasaye va Vandu va Asiria, avaari nivamuguuti. Yavoola, “Avanyasaye va Vasiria vakonya avami va Siria, kunangwa niimbana visiuviliru kuvo, hawundi vanyara kongonya.” Yivwo nivwo uvwoni vwagira Ahazi naagwa mu kivi, harara ni kivala chiche chi Ivuyuda.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Ezekieli 16:29

Mwakora uvulaya kandi na vandu va Babiloni, ihiiri ya vandu vakoola uvukala, navuzwa si mwaduukiza lienya lienyu mba.”

Hosea 10:6

Kifananyi yiki kilagingwa nu kuhilwa mukivala cha Asiria keve kuli mutungu gwu vusuuru ku mwami munene. Avandu va Isiraeli valava mu zisoni kigira vasigamira kifananyi yiki.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.