Ezekieli 16:27 - KITABU KITAKATIFU

²⁷ “Kalunu ndamuha mageri kandi ndavugura kedonye chiinyu chuvugasu vwange. Inzi mali kumuviika ku vandu va Filisitia, avavihilirwa munyi kandi vavihilirangwa ni vikolwa vienyu viu muviri.

Ezekieli 16:27 ပူးပေါင်းရင်းမြစ်များ

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

Zaburi 106:41

Yavaleka mu zinguru zia vandu vatamanyi Nyasaye, na avasigu vaavo vamiiha kuvo.

Isaya 3:1

Kalunu Yahova, Yahova Wuvunyali, aveeye ahimbi kutulizaho ivindu viosi kandi vandu vosi avahaana ovokonyi ku vandu va Jerusalemi ni Ivuyuda; Azizaa kutulizaho avandu vosi avahaanaa ovokonyi ku Jerusalemi kandi Ivuyuda. Alatulizaho viukulia viavo viosi kandi na amazi gaavo goosi,

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Jeremia 34:21

Kunangwa ndahaana mwami Zedekia wi Ivuyuda navatumikiri veve ku yavo avenya kuviita. Kandi ndavaviika ku liihi lia avandu va Babiloni, iliali nilialekera kuvingilira.

Ezekieli 14:9

“Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Ezekieli 16:37

Kigira yaga inzi nandete avayaanze vinyu vosi vamaziambiri harara; yavo avamwavula kuyaanza. Nambalete navamukumbilizi kandi namutulizi zinguvu zienyu ma nambakore navalole chahonyo chiinyu choosi.

Ezekieli 16:47

Munyi si mwagenda mu zinzira ziavo nokolonda likora liavo lidamanu lieng'ine mba, navuzwa mu zinzira zienyu ziosi mwaali avandu vadamanu ligali kuvita yavo.”

Ezekieli 16:57

kandi inyima wi zimbi ziamwali nimwakola nizikikiri kulang'aminywa? Kalunu muveeye vuzwa kuli yavo; kehenyahenye ku vandu va Edomu, avandu va Filisitia, kandi navatende vinyu vandi ava muvihilira.

Ezekieli 23:22

“Kulwayago Oholiba, yaga nigo aga Inzi Yahova Wuvunyali nziza kokora ku ivi. Ndakora avayaanze vovo avuwaagirung'ana kutura kuvo mu livihirirwa vakwingiliri. Ndavaleta vakwingiliri kutura ku zimbega ziosi.

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Zefania 3:19

Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Likunula 17:16

Izinziga likomi zia walola, kandi iking'ang'a valadunyira umukali liraya. Valavugula kindu choosi cha aveeye nacho nu kumuleka chahonyo. Valalia inyama yu muviri gwigwe kandi valamusaamba nu kumudiviza ligali nu muliru.