Ezekieli 16:15 - KITABU KITAKATIFU

¹⁵ “Navuzwa mwasuuvira mu vulahi vwinyu ligali kandi nimutumikira limanyikana lienyu kokora uvulaya. Mwamanya nimwihaana ku mundu woosi wa mwanyoola.

Ezekieli 16:15 ပူးပေါင်းရင်းမြစ်များ

1 Avami 11:5

Yasigamira Ashitarozi, nyasaye wikikali wa Sidoni, kandi Moleki, nyasaye wukuvihiliriza wa Amoni.

1 Avami 12:28

Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

2 Avami 17:7

Lidaala linene lia Samaria liaguutwa kandi ni ligumirwa kigira Visiraeli vakora vwoni ku Yahova Nyasaye wavo, uwavahonyia kutura ku mwami wa Egebeti kandi uwavatuliza mu kivala cha Egebeti. Vasigamira avanyasaye vandi,

2 Avami 21:3

Yumbaka kandi havundu hu kusigamira misambwa, aha baba weve Hezekia yaali ni yononyia. Yumbaka uvwali vwi lisigamira lia Baali kandi nalomba ivifananyi viu umunyasaye wi kikali, Ashera, kuli mwami Ahabu wa Isiraeli yaali naakori. Manase yasigamira zing'ereng'ani kandi.

Zaburi 106:35

Navuzwa valetana, kandi niviyigiza kokora miima jaavo.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 48:1

Munyi avandu va Isiraeli, avaveeye visukululwi kutura Ivuyuda, muhuliri yaga. Mwisuuha ku lieta lia Yahova kandi ni muvooraa ni minwa jinyu ndi, mulasigamira Nyasaye wa vandu va Isiraeli, navuzwa simwavoola agiligali mba.

Isaya 57:8

Musingirizaa vifananyi vienyu viukuvihiliriza inyima wi viliango vienyu vie imbiri. Munyi mundeki; munavuuyi zinguvu zienyu kandi munini igulu ku vidali vienyu vivambalalu harara na vayanze vinyu, avamutungaa mitungu ku vaduuki kogona ni munyi. Hene yaho mwigutizaa likayirwa lienyu liu muviri.

Jeremia 2:20

Mwami Munene Yahova avoora, “Munyi avandu va Isiraeli, madiku ga kale mwasuura zinguru ziange; mwasuura kutia kandi nu kusigamira inzi. Yee, ku vuli vigulu vitambi, kandi isi wa vuli musaala gwa amatu amavisi, mwasigamira avanyasaye.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 7:4

Mutasuuvira amakuva gu vugadi yaga mba: ‘Yili ni Litembeli lia Yahova, yili ni Litembeli lia Yahova!’

Ezekieli 16:16

Mwavugula zindala ku zigaanza zienyu nimulomba ahukusigamira vifananyi nanimukolelaku kuzio uvoheyi. Vindu kuli yivi sividukana viekoleke ku kali hakuzu mba.

Ezekieli 16:25

Mwanogonyia miviri jienyu milahi. Mwihaana munyi aveene ku vuli umundu wavita vuli lidiku kuli liraya.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Ezekieli 23:3

Lwa vaali nivakikiri avasoleri, nivamenyi mu kivala cha Egebeti, vonogonyia uvugima vwavo kandi nivagwa malaya.

Ezekieli 23:8

Siyaalekela kokora uvulaya vwa yakola lwa yaali namenyi Egebeti mba. Kutura ing'inga yayaali nakikiri mukaana musoleri, yakola uvulaya na vasaza kali kuduuka nivamukora kuva liraya.

Ezekieli 27:3

Lidaala liveeye kundulu kwi inyanza ilikolaa likilanyia na vandu vamenya kundulu kuvuli inyanza. Ovoolere lidaala lia Tiro aga Inzi Yahova Wuvunyali mboraa: Munyi avandu va Tiro, mwigingiraa kigira uvudukiru vwinyu kandi uvulahi vwinyu.

Ezekieli 33:13

Niiva ndavolera umundu mulahi ndi alava mwoyo, navuzwa atange kuganagana ndi uvulahi vwivwe vwa maziambiri voveeye vuduukiru ma atange kokora uvwoni, si ndizuliza uvulahi vwayakola mba. Alakuza kigira uvwoni vwivwe.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 4:10

Munyi numulie viukulia navuzwa simuliguta mba. Munyi mulasigamira avanyasaye vulwivulu navuzwa, simulanyora avana mba, kigira mumali kondeka na murondaa avanyasaye vandi.”

Hosea 4:18

Niiva kanywa iwaini inyingi, vayanzilira vuraya vwavo nukuva muzisoni kuvita uvukumi.

Hosea 9:1

Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Likunula 17:5

Mu uvweni vwivwe: yaali ni lieta ling'odeywi lie kivuni chalio chaviswa, “Babiloni enene mama Munene wa malaya goosi kandi mama wu vuvihilirizi vwi lirova.”

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 2:12

valeka kusigamira Yahova Nyasaye wa vaguuga vaavo, uwaali niyavaleeta kutura mu kivala cha Egebeti; vatanga kusigamira vanyasaye va vandu vaali ahimbi kuvo. Vaavinamira ni vakora Yahova kuva nu vutima.

Vakalagi 3:6

Kunangwa valeta vakali kutura muvo, kandi nivasigamira vanyasaye vaavo.