Ezekieli 16:13 - KITABU KITAKATIFU

¹³ Mwisiaha viuma vie ifeza nizahabu kandi mwivika vuli ing'inga zinguvu ziamangilinya gi katani kandi zindahi ligali. Mwalia mugadi gwalombwa kutura ku vusie vulahi ligali. Mwaakomba uvwuki namaguta gamuzeituni. Uvulahi vwinyu vwang'ereng'ana kandi nimuduuka kuliiva liu Mwami wikikali.

Ezekieli 16:13 ပူးပေါင်းရင်းမြစ်များ

Litanga 17:6

Inzi ndakuha visukululwi vinyingi, kandi valala kuvo valakave avami. Ivi ulakave ni visukululwi vinyingi kandi mu madiku gaaza valakave zihiiri.

2 Samweli 8:15

Daudi yamiha ku Isiraeli yoosi nalora ndi avandu veve vakolerwa malungi kazozo.

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

Ezara 4:20

Avami vizingulu vamali kwamiiha yo kandi vamali kwamiiha ku kivala choosi chi Imadioli wa Efurate nivasolola uvusuru.

Ezara 5:11

“Avandu yava vaativura, ‘Kunyi koveeye avatumikiri va Nyasaye wi ligulu kandi wi lirova, kwumbakaa uvuhia Litembeli iliumwami munene wa Isiraeli yumbaka ku mihiga minyingi javita.

Ayubu 29:6

zing'ombe ziange kandi zimburi ziange ziahaana ku inzi maveere manyingi, kandi misaala ji mizabibu jahaana amaguta amanyingi.

Zaburi 147:14

Akolaa zinzako zizio kuva ni mirembe, kandi akwigutizaa ni ingano indahi ligali.

Zaburi 48:2

Ziyoni, kiguru cha Nyasaye, keveeye kitambi kandi kilahi ligali, lidaala linene liu mwami munene, keletaa vusangali ku vandu vosi mu kivala.

Zaburi 50:2

Nyasaye ang'ereng'anaa kutura ku kiguru cha Ziyoni, lidaala liveeye lilahi ligali kandi liduukiru!

Zaburi 81:16

Navuzwa ndakamulihizi ni ingano indahi ligali kuvita nukumwigutiza nuvwuki vwu muvulimu.”

Isaya 64:11

Litembeli lietu lilahi kandi Litakatifu, havundu ha vaguuga viitu vizominya ivi, limali kusambwa nu muliru, kandi havundu hoosi ha kwayaanza.

Jeremia 13:20

Avandu va jerusalemi, heenzi! Avasigu vinyu vazaa kutura Ivaale! Vaveeye hayi avandu vaviikwa kumulinda, avandu va mwigingiliraa ku?

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Ezekieli 16:10

Ndaamuvika zigaanza ziamangilinya kandi nimuviika vilato viekeselo kilahi, igudwa yikatani kumutwi ni inguvu indahi yuvwoya.

Ezekieli 16:17

Munyi kandi mwavugula magina guvuguli agandamuha, agalombwa ku ifeza nizahabu, ma nimwelombera vifananyi visaza kandi nimukora ovoheyi navio.

Ezekieli 16:19

Ndaamuha viukulia: Uvusie vulahi ligali, maguta gumuzeituni, kandi uvwuki, navuzwa mwavihaana kuli visiuviliru konyoora liyaanzilira lie vifananyi.” Yaga nigo ga Yahova Wuvunyali avoora.

Ezekieli 23:40

“Vuli kazozo vaatuma avatumwa kogenihiza vasaza kutura ihale. Avasaza yavo vaza. Avakali vaviri yava viisinga nivaniha, kandi nivaviika viuma ku zimoni ziavo kwetegekera nu kuyaanziza vasaza yava.

Ezekieli 27:16

Avandu va Edomu vaakora likiranyia ni munyi kigira uvutugi vwinyu vunyingi. Vaamugulizira zinguvu ziu vulidadi vwi mizambarao, zinguvu ziu vong'orang'ore, zikatani zindahi ligali, na magina makanyu guvuguli. Vaamugulizira kigira vutugi vwinyu.

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Kwidzulitsa 8:8

kivala chamaa ingano ni shairi, mazabibu, makuyu, maguta ga mizeituni kandi uvwuki.

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 12:12

Navuzwa lwa mwalora ndi mwami Nahashi wa Amoni aveeye ahimbi kumwingilira, mwambakana Yahova kuli mwami winyu kandi muvooleraa Inzi, ‘Kweenyaa mwami akwamihi.’