Ezekieli 16:11 - KITABU KITAKATIFU

¹¹ Ndaamusiaha na magina guvuguli vudinyu, ndamuviika zibangili ku makono kandi madongolo mumang'oti ginyu.

Ezekieli 16:11 ပူးပေါင်းရင်းမြစ်များ

Litanga 24:22

Lwa yaali ni yakamala kunwehiza zing'amia mazi, mutumikiri yavugula ebede yizahabu iyuvulitu ziguramu 6 ma naviika kumulugu gu mukaana uyu, kandi naviika visambo viviri vie zahabu ku makono geege iyuvulitu ziguramu 115.

Litanga 24:47

Ndaamuteeva, ‘Ivi nu mukaana wa vwaha?’ Naye yativura, ‘Inzi mbeeye umukana wa Bezueli mwana wa Nahori, Mama wange ni Milika.’ Maku ndaamuha ebede kandi nimbika visambo ku makono geege.

Litanga 24:53

Yahaana ku Rabeka viju vie zahabu kandi ifeza harara ni zinguvu. Kandi yahaana ku mbozo weve na mama weve vihaanwa viu vuguli vudinyu ligali.

Litanga 35:4

Kunangwa vahaana ku Yakobo vanyasaye avageni vaavo vosi va vaali navo, kandi zimingiri zia vaali nazio mu matu gaavo. Yaaviyavira isi wu musaala munene ha Shekemu.

Litanga 41:42

Maku mwami yaatuliza imingiri yu muhuri kutura ku kedete chiche, ma naviika ku kedete cha Josefu. Yamuvika zinguvu zindahi zie katani; Kandi yamuvika munyororo gwi zahabu mwigoti mwimwe.

Esther 2:17

Umwami yamuyanza kuvita vakana vandi vosi, kandi Esiteri yatovolwa mu vandi vosi. Umwami yavika itaji yu vwamihi ku mutwi gwa Esiteri, ma naamukora mukali weve mu vogono vwa Vashiti.

Ayubu 42:11

Maku avamwavo na vavoozo, na valina va Ayubu vosi, vazia kumugeniha nivalia harara naye nivasaangala munyumba yeeye. Vamanyia liverera liavo ku Ayubu ni vamuleminya mwoyo ku vudinyu vwosi vwa Yahova yaali naleti kuye. Sa mulala yamuha mabesa ni mingiri yi zahabu.

Kutwula 32:2

Haruni yavavolera, “Tulizi zimingiri zie izahabu ziveeye mumatu ga vakana na vayaayi vinyu kandi avakali vinyu, mundeetere.”

Kutwula 35:22

Vandu vosi vaali nilienya, vombi avakali na vasaza, valeta magina guvuguli, zing'ano ziosi, zimingiri ni viju vindi viosi viezahabu. Vuli mundu yaleeta kindu chi zahabu kuva ikihaanwa ku Yahova.

Tsing'ano 1:9

Amigizu gaavo galakokola ove mulahi kuli igudwa ku mutwi gugwo kandi amadongolo mu ligoti liilio gakokola kuva ni ligondo lilahi.

Tsing'ano 25:12

Mundu mugeri niyiganihiza mundu oveeye ni lienya kuhulira aveeye vulahi kuvita ebede yizahabu anoho magina guvuguli galombeywi kutura kuzahabu indahi ligali.

Tsing'ano 4:9

Vulava kuivi itaji yu vukumi.”

Lwimbu lwa Solomoni 1:10

Zisaya zizio ziveeye zindahi ligali ni midindi ji liisu liilio; jayelera ku ligoti liilio kuli magina guvuguli.

Lwimbu lwa Solomoni 4:9

Uyanziza mwoyo gwange mbozo wange, mwiha wange, uyanzizi mwoyo gwange ni lihenza liezimoni zizio. Kandi munyororo mulala gwi ligina liu vuguli ogoveeye mwigoti mumwo.

Isaya 28:5

Lidiku liizaa lwa Yahova Wuvunyali alakave kuli itaji yuvukumi vwikimuli kigira avandu veve avalihononoka.

Isaya 3:19

kandi ku makono gaavo kandi zinguvu zikunikaa muzimoni ziavo,

Isaya 3:21

kandi ni zimingiri zia vevoha ku videte, kandi mumuulu gaavo;

Lisyoma lya Jeremia 5:16

Uluyali tula ku kunyi O, vayaayi kivi keveeye ku kunyi, kigira kwamala kokora uvwoni!

Ezekieli 16:17

Munyi kandi mwavugula magina guvuguli agandamuha, agalombwa ku ifeza nizahabu, ma nimwelombera vifananyi visaza kandi nimukora ovoheyi navio.

Ezekieli 23:40

“Vuli kazozo vaatuma avatumwa kogenihiza vasaza kutura ihale. Avasaza yavo vaza. Avakali vaviri yava viisinga nivaniha, kandi nivaviika viuma ku zimoni ziavo kwetegekera nu kuyaanziza vasaza yava.

Ezekieli 23:42

Muliviti gwi kiduma cha vandu gwahulirika, muganda gwa vandu vahambiku kutura mwigendanyama. Vaviika madongolo ku makono ga vakali yava kandi ni zitaji zindahi ligali ku mitwi jaavo.

Danyeli 5:16

Kalunu mali kuhulira ndi ivi unyala kuhaana livaala liago kandi unyala kuvuula makuva gu muvwivisu no gokogenyia. Niiva unyala kosoma mang'oda yaga kandi uhaane livaala liago valakuviika inguvu yi rangi yu musambarao kandi vakuviiki munyororo gwi zahabu mu ligoti liilio kandi ulava mwami wa kavaga mu vwamihi.”

Danyeli 5:29

Nonoho mwami Belishaza yahaana lilago ku vatumikiri veve vaviiki Danieli inguvu yu vwami yi rangi yu musambarao, kandi nivamwavala mu ligoti lilie munyororo gwa lombwa ku izahabu. Yamukola kuva munene wa kavaga mu vwamihi.

Danyeli 5:7

Mwami yalanga mundu amuletele avakumu, avalogi kandi avageri vi zing'ereng'ani. Lwa viingira mugati, mwami yavavolera, “Mundu woosi unyala kosoma mang'oda yaga kandi umbolera cha gavoora alaviikwa iganza yi rangi yu musambarao kandi munyororo gwi zahabu guviikwi mwigoti mwimwe, kandi alava wakavaga mu vwamihi.”

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Kyavalevi 8:9

Yamuvika kelemba ku mutwi gwigwe, kandi imbiri wacho yavika ku mangirinya gi izahabu, eve kelolero kimanyia ligasizwa litakatifu; kuli Yahova yalaga Musa.

Livalidza 31:50

Kunangwa koletaa viju vialombwa kutura ku ifeza, minyororo, visambo, ebede, zinono, zinale zio kumukono via vuli mulala kukunyi yavugula. Kuvihaana ku Yahova vive kuli mitungu ji livamwoyo lietu, kunangwa Yahova aduuki kukukinga.”

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 4:10

Avakulundu sirini na ine yavo avagwizaa mamumama imbiri wa uyu wikala kondeve yu uvwami, kandi vasigamira uyu oveeye mwoyo mihiga ni mihiga. Vaviika izitaji ziavo hasi imbiri wendeve yu uvwami, ni vavoola,

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Vakalagi 8:24

Navuzwa yaazizagilira kovora, “Nyenya koteeva munyi ikindu kilala. Vuli mulala ku munyi alaanzilanyila izimingili ziumumatui ziamwa vugula kutura muvulwani.” (Avamidiani kuli avandu vandi avamenya mu ligendanyama vaali ni zimingiri zie zahabu ziumumatui.)