Ezekieli 16:10 - KITABU KITAKATIFU

¹⁰ Ndaamuvika zigaanza ziamangilinya kandi nimuviika vilato viekeselo kilahi, igudwa yikatani kumutwi ni inguvu indahi yuvwoya.

Ezekieli 16:10 ပူးပေါင်းရင်းမြစ်များ

Litanga 41:42

Maku mwami yaatuliza imingiri yu muhuri kutura ku kedete chiche, ma naviika ku kedete cha Josefu. Yamuvika zinguvu zindahi zie katani; Kandi yamuvika munyororo gwi zahabu mwigoti mwimwe.

Zaburi 45:15

Vazaa nuvusangali kandi nuvuyanzi nukwingira munyumba yu vwami.

Kutwula 25:5

visero viamagondi makore viavakwa irangi inzakanyu, visero vialombwa nizinyasi vulahi ni misaala ji kikuma,

Kutwula 26:14

“Olombe viukufuuma vindi viviri, kilala che kesero chi ligondi limigu chagilunganywa nirangi nzakanyu ni kindi ne kesero kilahi, kutumika kuli kikuniku chi chova.

Kutwula 26:36

“Muvwingiliru vwi Lihema olombe inguvu yukukinga kutura ku katani indahi iyanavilwa mu uvwoya vwi irangi ya bulu, muzambarao kandi inzakanyu, kandi iyanavwa vulahi na mangirinya.

Kutwula 28:5

Avasiza zana valatumikira uvwoya vwi irangi ya Bulu, muzambarao, kandi inzakanyu; luvusi lwi zahabu kandi ikatani indahi.

Tsing'ano 31:22

Alombaa zisuka zievidali nokwiviika zinguvu zindahi zie mizambarao.

Isaya 3:23

kandi ni vielolero, ni zikatani zindahi, kandi ni zinguvu zindambi zinzasasu ziavevohaa ku mitwi jaavo.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Ezekieli 16:13

Mwisiaha viuma vie ifeza nizahabu kandi mwivika vuli ing'inga zinguvu ziamangilinya gi katani kandi zindahi ligali. Mwalia mugadi gwalombwa kutura ku vusie vulahi ligali. Mwaakomba uvwuki namaguta gamuzeituni. Uvulahi vwinyu vwang'ereng'ana kandi nimuduuka kuliiva liu Mwami wikikali.

Ezekieli 16:18

Mwavugula zinguvu zienyu ziamangilinya ziandamuha nimuviika ku vifananyi, nimuhaana ku ivisiuviliru yivio maguta gange nivifunya mwayu gandaali nimuheye.

Ezekieli 16:7

Ndaamukora nimuviruka kuli kitagwa kinifu. Mwaviruka nizinguru nimutambiha kandi nimuva kuli magina guvuguli malahi ligali. Zimbeere zienyu zialombwa vulahi, kandi liisu lienyu liatambiha, munyi avaari chahonyo kandi vugira kindu.

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Ezekieli 27:16

Avandu va Edomu vaakora likiranyia ni munyi kigira uvutugi vwinyu vunyingi. Vaamugulizira zinguvu ziu vulidadi vwi mizambarao, zinguvu ziu vong'orang'ore, zikatani zindahi ligali, na magina makanyu guvuguli. Vaamugulizira kigira vutugi vwinyu.

Ezekieli 27:7

Zimeri zienyu zialombwa ni zinguvu zie ikatani, mangirinya kutura Egebeti, zialoleka mukumanyikana kali nizive ihale. Zikatani zienyu zialombwa kutura ku zinguvu, zindahi, zie mizambarao kutura mu kisulu cha Saipurasi.

Luka 15:22

Navuzwa baba weve yavolera avatumikiri veve: ‘Koli vwangu! Leeti inguvu indahi mumuviiki kandi muviiki ebede ku kedete chiche ni ivilatu mu virenge vivie.

Likunula 18:12

Sihaveeyeho nu mundu ugula ivindu vie zahabu, ni viefeza, nivia magina malahi guvuguli mba. Ivindu viavo vie zinguvu zie katani indahi, ni vie zinguvu zinzesereru, ni vie zinzakanyu, kandi ivindu viavazwa vie misaala josi jifunya umwayu kandi iviju viosi vialombwa ku amiinu gi zinzogu, kandi iviju viosi nu musaala mulahi gwu vuguli ligali, ni viumugasa, ni viekivia, ni viamarimari,

Likunula 19:8

Aheveywi zinguvu zindavu kwivika ziveeye vikolwa vilungi via vandu va Nyasaye.”

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.