Ezekieli 15:6 - KITABU KITAKATIFU

⁶ Kalunu yaga nigo agu Yahova Wuvunyali avoora, “Kuli Muzabibu guvugulwaa kutura mumulitu ma gusambwa, nindio inzi ndakavuguli avandu vamenya mu Jerusalemi

Ezekieli 15:6 ပူးပေါင်းရင်းမြစ်များ

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 25:18

Jerusalemi kandi na amadara manene goosi gi Ivuyuda, harara na avami kandi na aviimiliri vago, vanwi iwaini yiyi, kunangwa vaduuki kugwa changalangwi, chukutiihiza kandi chokogenyia, kunangwa avandu valatumikira amita gaavo kuva kuli kilaamo kuduuka lero.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Ezekieli 15:2

Yavoola, “Mwana wu Mundu, muzabibu gunyala ndi kufananywa nu musaala? Ulusia lwu mukuyu gwu muzabibu loveeye na vulahi ki nufananyia nu musaala gwu mumulitu?

Ezekieli 15:4

Loveeye vuzwa lulahi mulifanila umuliru. Unyala kolomba ku kindu lwa lumali kusambwa ma lugwiyi amanda?

Ezekieli 15:5

Lwali kindu kitaveeye novokonyi kali lwa lwali nilukikili kusambwa. Kalunu lwu muliru gumali kulusamba ma lugwiyi amanda, loveeye ligali kindu kitaveeye chuvokonyi.”

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”