Ezekieli 14:9 - KITABU KITAKATIFU

⁹ “Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Ezekieli 14:9 ပူးပေါင်းရင်းမြစ်များ

2 Kyetsinyinga 18:22

Mikaya yamaliriza, “Yaga nigo angakoleki. Yahova umali kokora avaporofeti vovo yava vakugade. Navuzwa oyo mwene umali kulaga ndi ivi ulagana ni kivi!”

Ayubu 12:16

Nyasaye aveeye wi zinguru kandi wi liguuta, uyu ugadwa kandi umugadi, vombi vaveeye mu zinguru zizie.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Isaya 66:4

Kigira yaga, inzi kandi ndavaletera ikivi - ivindu yivio viavatizaa; kigira sihaaliho nu mulala uwahugira lwa ndavalanga anoho uwahuliriza lwa ndamoloma. Vaatovora kuvula kuhulira inzi nokokola uvudamanu.”

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Isaya 9:17

Kunangwa Yahova sialaleka avasoleri vahononoke mba; sialamanyia liverererwa ku vakunzakali navavisandu mba, kigira avandu vosi sivali nuvunyasaye mba, vaveeye avachamu na kindu choosi cha vavola keveeye uvudamanu uvwere. Na kali ndio, uvutima vwa Yahova sivulahera mba, navuzwa akinyiiyi vuzwa mukono gwigwe ukuhaana mageri.

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Ezekieli 13:9

mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Ezekieli 14:10

Vombi muporofeti kandi mundu uziyi koteeva zing'anagani kutura kuye valanyora mageri malala mere.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Ezekieli 16:27

“Kalunu ndamuha mageri kandi ndavugura kedonye chiinyu chuvugasu vwange. Inzi mali kumuviika ku vandu va Filisitia, avavihilirwa munyi kandi vavihilirangwa ni vikolwa vienyu viu muviri.

Ezekieli 20:25

“Maku ndaavaha lilago litaveeye lilahi kandi amalago gavula koleta livamwoyo.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Zekaria 13:3

Niiva mundu woosi alazizagilira koporofeta, baba weve na mama weve valamwiganihiza ndi ivi siulava mwoyo mba, kigira ovola makuva gu vugadi mu lieta lia Yahova. Niiva si alahulira lieganihiza yili, baba weve na mama weve vamwivula valamutoza nu kumwita lwava naporofetaa.