Ezekieli 14:8 - KITABU KITAKATIFU

⁸ Ndahingira mundu uyu. Ndamukora ave kelolero cha maduywa. Ndamutuliza mu kivala cha vandu vange Isiraeli. Maku mulamanya ndi Inzi mbeeye Yahova.

Ezekieli 14:8 ပူးပေါင်းရင်းမြစ်များ

Zaburi 34:16

navuzwa ahingiraa yavo avakolaa uvudamanu, kandi nukuvatuliza ku kivala nukwivilirwa ligali.

Zaburi 34:17

Lwa avalungi vanira ovokonyi, Yahova ahuliraa lianira liavo, kandi avahonyia ku vudinyu vwavo vwosi.

Zaburi 37:22

Yavo vosi ava Yahova yagasiza, valamenya mu kivala mihiga ni mihiga, navuzwa yavo avalaamwa valatulizwa mu kivala cha avasuuvirifu.

Isaya 65:15

Avandu vange avatovole valatumikira lieta lienyu kuli kilaamo. Inzi Yahova Nyasaye ndamwita, navuzwa ndahaana lieta lihia ku yavo avahulira inzi.

Jeremia 21:10

Inzi mali kukalaga sindaleka lidaala yili mba, navuzwa ndalidiviza. Lilaheevwa ku mwami wa Babiloni kandi alalisamba numuliru lishie ligali. Inzi, Yahova mali kovora.”

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 29:22

Lwa avandu vaahirwa mu vuhambe kutura Jerusalemi kuzia Babiloni venya kulaama mundu, valavoora ndi, ‘Yahova, yaanza uvakolere kuli wakolera Zedekia na Ahabu, avu mwami wa Babiloni yasamba mu muliru nivakikiri mwoyo!’

Jeremia 44:11

“Kunangwa Inzi, Yahova Wuvunyali, Nyasaye wa avandu va Isiraeli, ndamukolera uvudamanu kandi ndadiviza amadara goosi gi Ivuyuda.

Ezekieli 13:23

Kulwayago amalola ginyu gataveeye gagiligali kandi ovoporofeti vwu vugadi vumali koherizwa. Ndahonyia vandu vange kutura mu zinguru zienyu. Maku mulamanya ndi Inzi mbeeye Yahova.”

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Ezekieli 6:7

Avandu valitwa havundu hoosi, kandi yavo avalihononoka valakamanye ndi, Inzi mbeeye Yahova.

Kyavalevi 17:10

Niiva mundu woosi, wa Isiraeli anoho mugeni umenyi hagati hinyu alalia inyama nikikiri mu na masahi, anoho ulia masahi goosi, ndamutuliza hagati ha avandu vange

Kyavalevi 22:3

Ku makura gaaza, niiva mulala ku visukululwi vienyu viosi vilisunda himbi ku vihaanwa ivitakatifu via avandu va Isiraeli vaviika halovega kigira inzi, naveeye mudamanu kolondekana nu muruka gwi dini, umundu oyo sialatumikaku kandi ku vwali mba. Inzi mbeeye Yahova.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Livalidza 16:38

Ziagwa zindakatifu lwa zialetwa ku vwali vwa Yahova. Kunangwa vugula zinju yizi kutura ku vandu viitwa kigira vwoni vwavo aveene, uziduyi zive zisahani zing'erere ma uzilombe zive ziu kufuma ku vwali. Yili lilava lieganihiza ku vandu va Isiraeli.”

Livalidza 19:20

Mundu uva naveeye mudamanu natitakasi, alava mudamanu kigira mazi gu kwitakasa ga kikiri kusundulwa kuye. Mundu uyu yonogonyia Lihema lia Yahova na sialavalizwa kuva mulala ku vandu va Nyasaye mba.

Livalidza 26:10

Lirova liguka ni livamira, kandi vakuza harara na Kora nu muganda gwigwe lwu muliru gwa diviza vandu 250. Vamanya nivagwa chukwiganihiza ku vandu.

Varumi 11:22

Kunangwa, wizulizi uvulahi, kandi uvululu vwa Nyasaye. Aveeye mululu ku yavo avamali kugwa, navuzwa uvulahi vwa Nyasaye voveeye ku ivi niiva ulazizagilira mu vulahi vwivwe. Nigataveeye ndio, ivi kandi ulahalulwa.

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.

Kwidzulitsa 28:46

Vilava kelolero kandi chokogenyia ku munyi ni visukululwi vienyu mihiga ni mihiga.

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.