Ezekieli 14:7 - KITABU KITAKATIFU

⁷ “Lwa mulala ku vandu va Isiraeli, anoho mulala ku vageni vamenyi mu Isiraeli agirung'ana kutura ku inzi nukusigamira vifananyi, maku vazia koteeva zing'anagani kutura ku vaporofeti, Inzi Yahova ndahaana mativuli kuye.

Ezekieli 14:7 ပူးပေါင်းရင်းမြစ်များ

Kutwula 12:48

navuzwa mundu utaakevwa sianyala kulia ku mba. Niiva mugeni wamenya hagati hinyu naye yenya kusanga kulia Lipasaka kukuminya Yahova, mulataga kokeva avayaayi vosi vinyumba yeyo. Naye alavugulwa kuli mulala uwivulwa mu kivala chiinyu cha Isiraeli na alasaanga mu lilia lienyu.

Kutwula 20:10

navuzwa lidiku lia saba liveeye lidiku lio kososa liviikiywi halovega kigira inzi. Ku lidiku yilio mundu kali mulala atakola miyinzi mba, muve munyi anoho avana vinyu, vatugwa vinyu mba, kali mitugu jinyu mba, anoho kali avamenya vamenyi mu kivala chienyu mba.

Isaya 63:17

O, Yahova, kigira ki olekaa kunyi kogote kutura kuzinzira zizio? Kigira okolaa kunyi kove nikirage kali kuduuki kugirung'ana kutura ku ivi? Mwaza yirana ku kunyi kulwu vulahi vwa yavo avakutumikiraa ivi, kandi kulwa avandu yavo avaveeye avoovo kazozo kutura maziambiri.

Jeremia 37:17

Lwinyima mwami Zedekia yatumana nzie, kandi hene yaho munyumba yu vwami yaandeva mu vwivisu, “Likuva liveeye kuho kutura ku Yahova?” Ndaamutivulira kandi nimeeda kovora, “Liveeyeho, Ivi uraviikwa mu zinguru ziu mwami wa Babiloni.”

Ezekieli 3:20

“Kandi niiva umundu mulungi alaleka uvulungi nokokola zimbi, ndavika chukwikigatala imbiri weve, na alakuza. Kigira si wamwiganihiza mba, alakuza kigira uvwoni vwivwe mwene. Amalungi goosi agayakola si galizulizwa mba, na ndakudula ku likuza lilie.

Hosea 4:14

Navuzwa inzi sindavaha mageri kigira yaga mba, kigira munyi aveene mukora ovoheyi namalaya gi Litembeli, kandi harara navo muhaanaa visiuviliru ku vifananyi. ‘Kuli lugano lovoolaa avandu vugira limanyiriza valaduuka mulidiva.’

Hosea 4:5

Munyi mwigatalaa mbasu navudiku harara navaporofeti. Kunangwa ndadiviza Isiraeli mama vinyu.

Hosea 9:10

Yahova avoora, “Lwa ndaanyoora vandu va Isiraeli mulitanga, vaali kuli Mazabibu gamaa mwigendanyama. Lwa ndaalora avaguuga vinyu, galoleka kuli ndoli likuyu liukutanga liengu ku ing'inga yalio. Navuzwa lwa vaza ku kiguru cha Peori, vataanga kusigamira Baali, kandi nonoho vaaloreka kuva avukuvihiririza kuli avanyasaye vavayaanza.

Kyavalevi 16:29

Yili lilava lilago lie mihiga ni mihiga ku munyi. Ku lidiku lie likomi liu mweli gwa Saba, avandu va Isiraeli vosi navageni vosi avamenyaa hagati haavo, kuduuka vahonge lilia kandi vatakola miyinzi josi mba.

Kyavalevi 20:2

avolere Avaisiraeli ndi, “Mundu woosi, Umuisiraeli anoho mugeni omenya hagati hinyu uhaana mulala ku avana veve kutumikirwa mu lisigamirwa munyasaye ulangwa Moleki, avandu vosi vikivala yicho valamulasa na magina, aduuki kukuza.

Kyavalevi 24:22

Lilago yili liveeye ku munyi mwosi, avandu va Isiraeli kandi ku avageni vamenya hagati hinyu, kigira inzi mbeeye Yahova Nyasaye winyu.”

Livalidza 15:15

Avandu vosi harara na vageni vamenyi hagati hinyu, valava na malago malala mere. Munyi vosi harara na vageni vamenyi hagati hinyu mulava kindu kilala imbiri wa Yahova.

Livalidza 15:29

Malago yaga galatumika ku vuli mundu okola uvwoni vugira kumanya; ave mundu wa Isiraeli noho mundu mugeni amenyi hagati haavo.

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Yudasi 1:19

Yava nivo avandu, valeta iliavukana, avamifwa niliiva liavo liu muviri, avataveeye na Roho.