Ezekieli 14:3 - KITABU KITAKATIFU

³ “Mwana wu Mundu, avandu yava vaviiki mioyo jaavo ku vifananyi kandi vavimilira kokora uvwoni. Vaganagana inzi ndahaana mativuli kuvo?

Ezekieli 14:3 ပူးပေါင်းရင်းမြစ်များ

2 Avami 3:13

Elisha yavolera mwami wa Isiraeli, “Kigira ki ngokonye? Zia uteeve avaporofeti yavo ava baba na mama woovo vateeva.” Navuzwa Joramu mwami wa Isiraeli yativura, “Awa! Yahova niyie uviiki kunyi avami vavaga hasi hi zinguru ziu mwami wa Moabu.”

Zaburi 101:3

Sindavugilira uvudamanu ligali kuva imbiri wange kali hakuzu mba. Ndunyiraa vikolwa via yavo avagirung'ana okoleka Nyasaye; Sindahambana namakuva gaavo mba.

Zaburi 66:18

ndava wavisa uvwoni mu mwoyo gwange, ngano Yahova si yahulira lisaala liange mba.

Tsing'ano 15:29

Lwa vandu valungi vasaala Yahova ahuliraa, navuzwa alekaa yavo avaveeye vadamanu.

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 21:27

Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Jeremia 21:2

“Nuyanza okomolomere ku Yahova, kigira mwami Nebukadineza harara ni liihi lilie vakumbiriza lidaala. Hawundi Yahova alakokolera kilala ku vilolekizu vivie na akole Nebukadineza aleke.”

Ezekieli 11:21

Navuzwa nambane amageri ku vandu vayaanza kusigamira ivifananyi viukuvihiliriza vifunya vugundu. Ndakavahe mageri kigira agavamali kokora.” Yahova Wuvunyali amali kovora.

Ezekieli 14:2

Maku Yahova yambolera,

Ezekieli 14:4

“Kalunu, molomaa kuvo na uvavoolere aga Inzi, Yahova Wuvunyali mboraa kuvo: Vuli mundu woosi ku vandu va Isiraeli umali kuviika mwoyo gwigwe ku vifananyi nokoleka vamwimiliri mu likora uvwoni, maku vaza koteeva zing'anagani kutura ku vaporofeti, valanyora mativuli kutura ku inzi; galava mativuli gi vifananyi vivie vinyingi viduukana vinyoole!

Ezekieli 14:7

“Lwa mulala ku vandu va Isiraeli, anoho mulala ku vageni vamenyi mu Isiraeli agirung'ana kutura ku inzi nukusigamira vifananyi, maku vazia koteeva zing'anagani kutura ku vaporofeti, Inzi Yahova ndahaana mativuli kuye.

Ezekieli 20:16

Inzi ndalomba lilagana kigira vaali nivasuyi lilago liange kandi vasuyi kugumira malago gange kandi nivononyia lidiku liange lie Lisabato. Kunangwa vayanzilira kusigamira vifananyi viavo.

Ezekieli 20:3

“Mwana wu Mundu, moloma ku vimiliri va Isiraeli na uvavoolere aga inzi Yahova Wuvunyali mboraa: Munyi muuzi ku inzi kwenyeleriza vulaliri vwange? Kuli inzi mbeeye ligali Nyasaye omenya, sindavugilira munyi kondeeva kindu kali kilala mba. Inzi Mwami Munene Yahova mali kovora.

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Ezekieli 3:20

“Kandi niiva umundu mulungi alaleka uvulungi nokokola zimbi, ndavika chukwikigatala imbiri weve, na alakuza. Kigira si wamwiganihiza mba, alakuza kigira uvwoni vwivwe mwene. Amalungi goosi agayakola si galizulizwa mba, na ndakudula ku likuza lilie.

Ezekieli 33:30

Yahova yavoola, “Mwana wu Mundu, avandu vovo vamoloma kigira ivi lwa vavuganira mu madigi gi lidaala linene anoho mu zinzira zie kiliango chi zinyumba ziavo. Vavolerana mulala nu wundi ‘Leki kuzie kuhulira likuva limali kutura ku Yahova kalunu.’

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Ezekieli 44:12

Navuzwa kigira vatumikira vandu va Isiraeli lwa vasigamira vifananyi, nukuvimilira mu likora uvwoni, Inzi Yahova Wuvunyali nzisuha ndi, kuduuka vanyoore amageri.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Ezekieli 7:19

Navasiuvi zizahabu ni zifeza ziavo mu zinzira, nazive kindu kitaveeye kilahi. Izahabu ni feza yaavo sinivahonye mu lidiku liuvutima vwa Yahova vululu mba. Yivi viosi si vilavakola kwiguta mba, kigira izahabu ni ifeza yavo vimali kuvakola kwikigatira nukuzia mu vwoni.

Hosea 4:5

Munyi mwigatalaa mbasu navudiku harara navaporofeti. Kunangwa ndadiviza Isiraeli mama vinyu.

Zefania 1:3

Ndakadivizi avandu harara ni zinyama, manyonyi goosi; kandi zisuzi ziosi. Ndakagwihizi vandu vachamu. Ndakadivizi avandu vosi mu kivala. Inzi Yahova mali kovora.

Zekaria 7:13

Sindaavativulira lwa vasaala kigira sivahulira lwa ndamoloma mba.

Luka 20:8

Yeso yavavolera, “Inzi kandi sindamuvolera ni ku vunyali ki vwa ngolera mu vindu yivi, mba.”

Vafeso 5:5

Kigira yaga muve nilimanya ligali ndi, umuheyi woosi anoho utaveeye munifu mu miima, muhuvaali, wi vifananyi mukayirwi, siaveeye nilisanga mu vwami vwa Kristo kandi vwa Nyasaye mba.

1 Petro 2:8

Mang'oda Matakatifu gavoora, “Yili nilio ligina liu kwikigitariza avandu, ulwanda ululivalomba vagwi.” Vikigitara kigira sivasuuvira mu likuva yivwo vwali uvulariri vwa Nyasaye kuvo.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.