Ezekieli 14:22 - KITABU KITAKATIFU

²² Kali niiva mulala ku vandu yava alatigala kandi ahonyie avana veve avakaana na vayaayi, lwa vaza ku ivi, uvahenze olole kuli vaveeye avadamanu, ulavugilira ndi amageri gambana ku Jerusalemi gaveeye malungi,

Ezekieli 14:22 ပူးပေါင်းရင်းမြစ်များ

2 Kyetsinyinga 36:20

Yaahira mu vuhambe yavo vosi avaahononoka mu Babiloni yavo vosi avaari ni vahononoki kutura ku kivavi; na vaagwa avatumikiri veve kandi avi kisukururwi chiche kuduuka lwu vwami vwa Pasia vwatanga kwamiiha.

Isaya 24:13

Yiki nicho ichazachekoleke mu vuli ihiiri ku lirova liosi. Galakave kuli keheri chi ligesa, lwa mizeituni jilakave nijimali kusung'uswa kutura ku vuli musaala kandi mazabibu gukumaliriza gamali kwagurwa kutura ku vuli muzabibu.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Jeremia 30:11

Inzi nanzizi kumunyi kandi naamuhonyie. Inzi ndakadivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha mageri sinagave amalulu ligali mba. Inze, Yahova mali kovora.”

Jeremia 4:27

Yahova umali kovora ndi, lirova liosi lilava ligendanyama, navuzwa sialalidiviza ligali mba.

Jeremia 5:19

Lwa avandu yava vateva kigira ki ndaakola vindu yivi viosi, uvavoolere ndi, kuli vagirung'ana kutura ku inzi, nivatumikira avanyasaye vandi avageni mukivala chavo aveene, nandio valatumikira avageni mukivala kitaveeye ichaavo.”

Ezekieli 12:16

Ndaleka vakekeeke kuvo vahononoke kutura muliihi, inzara kandi muvulwaye. Uwene yeyo mu zihiiri, navamanyirizi kuli vikolwa viavo viukuvihiliriza vimali kuva, kandi navamanye ndi inzi mbeeye Yahova.”

Ezekieli 16:54

Kunangwa na muve muzisoni munyi aveene kigira kugoosi aga mumali kokora mu livaleminya mwoyo.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 31:16

Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Ezekieli 32:31

“Lwu mwami wa Egebeti harara ni liihi lilie navalole virindwa via vandu yava vosi, aviitirwa mu vulwani ni kivavi, aleleminywa mwoyo kigira avandu yava.” Mwami Munene Yahova avoora.

Ezekieli 36:20

Navuzwa havundu hoosi havazizaa hagati hi zihiiri, vononyia lieta liange litakatifu, kali kuduuka vandu nivavoora, ‘Yava vaveeye avandu va Yahova, navuzwa gavadukiraa vatuli mu kivala chiche.’

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Mika 5:7

Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Marko 13:20

Navuzwa Umwami yayimbihiza amadiku gene yago; alavula kwimbihiza amadiku, avandu vosi vaali vakadivi. Navuzwa kigira avandu veve avatovole, Umwami yayimbihiza amadiku yago.

Kwidzulitsa 4:31

Aveeye Nyasaye wiliverererwa. Sialamuleka anoho kumudiviza, kandi sia alivilira lilagana lia oyo umwene yalomba na avaguuga vinyu ku liesuuha mba.