Ezekieli 14:11 - KITABU KITAKATIFU

¹¹ Inzi ndakora yaga kunangwa vandu va Isiraeli vavuli kondeka, anoho vavuli kweyononyia nuvwoni vwavo. Valava avandu vange, na inzi ndava Nyasaye wavo.” Yahova Wuvunyali umali kovora.

Ezekieli 14:11 ပူးပေါင်းရင်းမြစ်များ

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Zaburi 119:67

Lwa ndaali ningikiri konyoora amageri kutura ku ivi, ndakora uvudamanu, navuzwa kalunu mbulira likuva liilio.

Isaya 9:16

Yavo avimiliraa avandu yava vamali kuvachaminya kandi kuvagoyanyia ligali muno.

Jeremia 11:4

Ni lilagana lia ndalomba na avaguuga vaavo lwa ndaatuliza kutura mukivala cha Egebeti; kivala chaali kuli kisambiru chi vivia kuvo. Ndaavavoolera vatie inzi kandi vakole vuli kindu cha ndaavalaga. Ndavavolera ndi, niiva valatia inzi, valava avandu vange, na inzi ndava Nyasaye wavo.

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Ezekieli 14:10

Vombi muporofeti kandi mundu uziyi koteeva zing'anagani kutura kuye valanyora mageri malala mere.

Ezekieli 14:12

Yahova yambolera,

Ezekieli 37:23

Si naveyonogonyie nivifananyi viavo viukuvihiliriza, anoho kweyonogonyia nuvwoni mba. Nambahonyie kutura mu vwoni vwavo vwosi. Nambakore kuva avasereze. Navave avandu vange kandi inzi nambe Nyasaye wavo.

Ezekieli 37:27

Inzi ndakamenyeyo navo. Inzi nambe Nyasaye wavo, kandi valakave avandu vange.

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Ezekieli 44:10

Yahova yambolera, “Ndahaana mageri ku vandu va Levi yavo harara na vandu va Isiraeli vosi, avaandeka ni vazia kusigamira vifananyi.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 48:11

Kidieli yiki na keve cha vasaalisi vatakaswa, avaveeye visukululwi va Zadoku: Yava vandumikira nu vusuuvirifu kandi si vahambana na vandu va Isiraeli mu likora uvudamanu, kuli avandu vi ihiiri ya Levi vaakora.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Kwidzulitsa 13:11

Maku avandu vosi va Isiraeli valahulira agekoleka; na valatia ligali, kandi sihalava ho numulala hagati hinyu uwilana kokora kindu kidamanu kuli yiki kandi mba.

Kwidzulitsa 19:20

Maku avandu vatigaye vosi valahulira gamali kwekoleka, na valava nuvuti, na sihalavaho nu mundu okola kindu kidamanu kuli yiki kandi mba.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

2 Petro 2:15

Vamali koleka inzira inungi, ma vaagoti nokolonda inzira ya Balaamu mwana wa Beori, uwayaanzilira konyoora uvukala ku likora uvudamanu.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.