Ezekieli 14:1 - KITABU KITAKATIFU

¹ Valala ku vimiliri va Isiraeli vaza ku inzi kwenyeleriza zing'anagani kigira lienya lia Yahova.

Ezekieli 14:1 ပူးပေါင်းရင်းမြစ်များ

2 Avami 6:32

Na yatuma mutumwa kuzia koleta Elisha. Ku ing'inga yene yeyo, Elisha yaali yengo na vakulundu valala avaari ni vazi kumuluuta. Mutumikiri wu mwami nakikiri kuduuka, Elisha yavolera avakulundu zana, “Mulumindi ula atumaa mundu kuuza kunzita. Lero, lwaduuka hano, muhaane kiliango na mutaleki yingiri mba. Mwami mwene alava na mulonda vuzwa inyima weve.”

Isaya 21:12

Ndaativura, “Umugamba guzaa, navuzwa uvudiku vulilana kandi. Niiva wenyaa koteeva kandi, wirane ma oteeve.”

Isaya 29:13

Yahova yavoola, “Avandu yava vavoola vaasigamira, navuzwa makuva gaavo gaveeye vugira kivuni, na mioyo jiavo jiveeye ihale kutura ku inzi. Idini yavo eveeye vuzwa malago gavandu ni miima ja vandu vigiza, makuva ga vaagumilira mumutwi.

Ezekieli 14:2

Maku Yahova yambolera,

Ezekieli 20:1

Ku lidiku lie likomi ku mweli gwa katano mu muhiga gwa saba gwu muvuhambe vwitu, valala ku vimiliri va Isiraeli vaza nivikara imbiri wange. Venyeleriza kutura ku inzi kigira lienya lia Yahova.

Ezekieli 20:3

“Mwana wu Mundu, moloma ku vimiliri va Isiraeli na uvavoolere aga inzi Yahova Wuvunyali mboraa: Munyi muuzi ku inzi kwenyeleriza vulaliri vwange? Kuli inzi mbeeye ligali Nyasaye omenya, sindavugilira munyi kondeeva kindu kali kilala mba. Inzi Mwami Munene Yahova mali kovora.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Ezekieli 33:32

Ivi oveeye kuvo kuli mundu wimbaa zinyimbu ziuvuyaanzi, kandi ukubaa uvukana vulahi. Vahuliraa aga ovola, navuzwa sivagakolaa kali lilala mba.

Ezekieli 8:1

Ku lidiku lia katano ku mweli gwa sita mu muhiga gwa sita gwi lihaminywa lietu, ndaali ninzikaye munyumba yange harara na vimiliri vi lihaminywa kutura Ivuyuda. Nonoho ndaahulira zinguru ziu Mwami Munene Yahova ziizi ku inzi.

Luka 10:39

Yaali na amwavo weve walangwa Maria. Maria yikala ha virenge viu Mwami Yeso naahuliriza amigizu geege.

Vikolwa 22:3

“Inzi mbeeye Muyuda, wivulirwa Tariso lidaala lia Kilikia. Navuzwa ndavirukira mu lidaala lia Jerusalemi, ninzigizwa hasi hu mwigizi Gamalieli. Ndigizwa vulahi ligali kolonda ligali Lilaga lia avaguuga viitu. Ndihaana nu mwoyo gwosi ku Nyasaye, kuli munyi mwosi muveeye kalunu.

Vikolwa 4:5

Mugamba gwi lidiku lialonda ku, aviimiliri va Vayuda, avakulundu na avigizi vi Lilaga vavunga mu Jerusalemi.

Vikolwa 4:8

Maku, Petero, niyizuuyi Roho Mutakatifu, yavativulira, “Munyi aviimiliri navakulundu va vandu;