Ezekieli 13:9 - KITABU KITAKATIFU

⁹ mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Ezekieli 13:9 ပူးပေါင်းရင်းမြစ်များ

1 Avami 13:18

Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

Ezara 2:59

Yili nilivaliza lia vandu vaatura mu madaala ga: Telimela, Teliharisha, Kerubu, Adani na Imeri, navuzwa sivali vanyara kumanyiriza ndi avaguuga vaavo vaali visukululwi via Isiraeli mba:

Nehemia 7:62

Visukululwi va Delaya, Tobia na Nekoda vaali 642.

Nehemia 7:64

Yava venyeleriza mu vitabu vaduuki konyoora avaguuga vi zinyumba ziavo, navuzwa sivali vanyara kuvanyoola mba, kunangwa vatulizwa kulivaliza lia vusaalisi kuli avatali avanifu kolondekana mu mwima gwi idini ya Avayuda.

Zaburi 101:7

Umimbehi sialamenya munyumba yange yu vwami mba; kandi umugadi sialava imbiri wange mba.

Zaburi 69:28

Tuliza ho amita gaavo mu kitabu cha avaveeye mwoyo; kandi vatavalizwa harara na avandu vovo valungi mba.

Zaburi 69:5

O, Nyasaye, Ivi wamanya uvusiru vwange. Uvwoni vwange sivuvisiywi ku ivi mba.

Zaburi 87:6

Yahova alakang'ode amita ga vandu vosi; kandi alakameede goosi harara kuli avandu vamenya mu Jerusalemi.

Zaburi 95:11

Kunangwa ndisuuha mu vutima vwange nimbora, ‘Sivalingira mu kivala cha ndakavaheye vweremerizi mba.’ ”

Isaya 4:3

Vuli mundu woosi watigala mu Jerusalemi, awa Nyasaye yatovola amenye, alalaangwa mutakatifu.

Jeremia 14:15

Inzi Yahova, ngovolera aganzizaa kokora ku avaporofeti yavo, ava inzi ndaavura kutuma navuzwa vamolomaa mu lieta liange nokovoora ndi vulwani kandi inzara si viladiviza kivala yiki mba. Inzi Yahova ndavitira mu vulwani harara ninzara enene ligali.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 23:20

kandi sikililekera mba kuduuka lwa alikola goosi agaganagana kokora. Mumadiku gaaza avandu valakamanyirizi yaga vulahi.”

Jeremia 4:9

Yahova yavoola, “Kulidiku yilio avami kandi avanene sivalava nuvuluviliri mba; avasaalisi valegosa navaporofeti valagenya.”

Ezekieli 11:10

kandi na mwitilwi mu vulwani mu kivala chiinyu. Maku vuli mundu namanye ndi inzi mbeeye Yahova.

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 13:14

Ndasambura lidigi liavumbaka novodohi nukulidiviza, kandi ndaleka imise jalio jamagina hazwa. Lilamugwila na mwosi muladiva. Maku mulamanya ndi Inzi mbeeye Yahova.

Ezekieli 13:23

Kulwayago amalola ginyu gataveeye gagiligali kandi ovoporofeti vwu vugadi vumali koherizwa. Ndahonyia vandu vange kutura mu zinguru zienyu. Maku mulamanya ndi Inzi mbeeye Yahova.”

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Hosea 4:5

Munyi mwigatalaa mbasu navudiku harara navaporofeti. Kunangwa ndadiviza Isiraeli mama vinyu.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Mika 3:5

Yahova avoora, “Avandu vange vamali kugadwa na avaporofeti avasuuvirizaa mirembe ku yavo avavatuungaa navuzwa vatihiza nuvulwani yavo avatavahezaa kindu.

Mika 3:6

Kulwayago, uvudiku vulaza ku munyi vugira malola, kandi kisundi kiladuuka ku munyi vugira uvusigitiri. Iliuva lilayelera avaporofeti, kandi lidiku lilava kisundi kuvo.

Luka 10:20

Kunangwa mutasangala kigira mademoni gaali kwegehiza ku munyi, navuzwa musangare kigira amita ginyu gang'odeywi mwigulu.”

Vafilipi 4:3

Ndeva ivi muyinziri musuuvirifu wache, yaanza okonye avakali yava. Vayinzira vudinyu harara ninzi kulandiza Ivangeri ni zinguru, harara na Kilemendi kandi avayinziri vache vosi, avamita gaavo gang'odwa mu kitabu chi livamwoyo.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.