Ezekieli 13:22 - KITABU KITAKATIFU

²² “Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Ezekieli 13:22 ပူးပေါင်းရင်းမြစ်များ

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Jeremia 23:9

Mwoyo gwange gusaliriziywi, kandi ndegeraa. Kigira Yahova, kandi kigira mang'ana geege matakatifu mbeeye kuli umundu umali kuhambika, umundu unweye Iwaini inyingi.

Jeremia 28:16

Kunangwa, Yahova mwene avoora ndi, alakutuliza ku kivala muhiga gunu nigukiri kufwa, ulakuza kigira umali kovoolera vandu kwibaala ku Yahova.”

Jeremia 29:31

“Tuma amakuva ku avandu vosi vi lihaminywa mu Babiloni, uvavoolere ndi, kigira Shemaya amali koporofeta ku munyi lwa inzi ngikiri kumutuma, kandi amukoli kusuuvira ovovehi,

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 34:16

Navuzwa mwamanya nimugirung'anyia zing'anagani zienyu kandi nimuvula kumba luyali. Munyi vosi mwavugula avatugwa vamwali nimwavoholora kuli venya, kandi mwavaniga kugwa avatugwa.

Jeremia 34:22

Nambane lilaga, kandi navirane mu lidaala yili. Vaza vavingiliri, navaligumiri ma navalisambe numuliru. Nangore madaala gi Ivuyuda nagagwi kuli changalangwi havundu humundu atamenyi. Inzi, Yahova, mali kovora.”

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 8:11

Vakora kuli zingwagu zia avandu vange ziveeye vuzwa lwiyago. Vavoola, ‘Goosi gaveeye amalahi,’ lwa goosi gataveeye amalahi mba.

Ezekieli 13:16

avaporofeti va Isiraeli avasuuvirizaa avandu va Jerusalemi ndi goosi gaveeye amalahi, lwa gataveeye amalahi!” Yahova Wuvunyali umali kovora.

Ezekieli 18:21

“Niiva mundu mudamanu alaleka kokora uvwoni kandi agumili amalago gange, kandi niiva alakola agaveeye amalahi kandi amalungi, sialakuza mba; mundu uyu alamenya ligali.

Ezekieli 18:27

Lwu mundu mudamanu alekaa kokora uvwoni, maakora uvulahi kandi uvulungi, yehonyia umwene.

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.