Ezekieli 13:2 - KITABU KITAKATIFU

² “Mwana wu Mundu, ukalagiri uvudamanu vwa vaporofeti va Isiraeli avaporofetaa amakuva gi zing'anagani ziavo aveene. Uvavoolere vahulirizi likuva liange.”

Ezekieli 13:2 ပူးပေါင်းရင်းမြစ်များ

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 28:14

Kalunu munyi vigingiri avamihaa hano mu Jerusalemi kaluhu, muhuliri icha Yahova avoora:

Isaya 9:15

Avasaakulu navasaza vuluyali vaveeye mitwi, na avaporofeti ava miigizu gu vugadi vaveeye mikira!

Jeremia 23:2

Yaga nigo aga Yahova, Nyasaye wavandu va Isiraeli avoora kigira aviimiliri vaduukana vahendere avandu vaavo mwoyo: “Simwahendera avandu vange mwoyo mba; Mwamala kuvasalanyia nukuvakunga vazie ihale. Kalunu nziza kumuha amageri kuvudamanu vwamumali kokora.

Jeremia 27:14

Mutahuliriza amakuva ga avaporofeti avamuvoleraa muvuli kutumikira kandi kwegehiza imbiri wu mwami wa Babiloni mba. Vaveeye avaporofeti vu vugadi.

Jeremia 27:18

Niiva vaveeye avaporofeti va agiligali, kandi niiva vaveeye na amakuva gange, vateeve inzi Yahova Wuvunyali, mburi kuvugilira mavikiru gatigala mu Litembeli lia Jerusalemi kandi munyumba yu vwami yi Ivuyuda kandi vilanywe mu Babiloni.”

Jeremia 37:19

Kindiki chekoleka ku avaporofeti vovo avakovoolera ndi mwami wa Babiloni si alakwingilira anoho kwingilira kivala?

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Ezekieli 13:1

Yahova yambolera,

Ezekieli 13:17

Yahova yavoola, “Kalunu Mwana wu Mundu, henza avakali hagati ha vandu vovo avaporofetaa kolondekana ni zing'anagani ziavo. Uvakalagiri havulavu,

Ezekieli 13:3

Yaga nigo aga Yahova Wuvunyali avoora: “Kivi keveeye ku vaporofeti vasiru yava! Vavoola makuva gi zing'anagani ziavo aveene kandi avelombera malola gaavo aveene.

Ezekieli 16:35

Kunangwa munyi avandu vataveeye avasuuvirifu, muhuliri likuva lia Yahova!

Ezekieli 22:25

Aviimiliri vaavo vaveeye kuli zisimba zihuumira ku zinyama ziaimali kwita. Vita avandu, mavavugula mabese harara ni miandu josi javanyala konyoora, kandi muliita liavo valeka avakunzakali vanyingi.

Ezekieli 22:28

Vaporofeti vamali kuvisa uvwoni yivu kuli avandu vavaki lidigi no vodohi uvulavu. Valora malola govovehi kandi vakora vusigitiri vwuvugadi. Vekola vamoloma makuva ga Yahova Wuvunyali, navuzwa Inzi, Yahova, si molomi navo mba.

Ezekieli 34:7

“Kalunu munyi aviimiliri, muhuliri aga inzi, Yahova muvooleraa.

Ezekieli 34:9

Kunangwa, mumbulirizi munyi aviimiliri!

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 3:6

Kulwayago, uvudiku vulaza ku munyi vugira malola, kandi kisundi kiladuuka ku munyi vugira uvusigitiri. Iliuva lilayelera avaporofeti, kandi lidiku lilava kisundi kuvo.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.