Ezekieli 13:19 - KITABU KITAKATIFU

¹⁹ Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Ezekieli 13:19 ပူးပေါင်းရင်းမြစ်များ

Tsing'ano 17:15

Uyu okolaa vuchamu kuva uvulungi kandi ukalagiraa avalugi, vombi vaveeye vu kuvihiliriza ku Yahova.

Tsing'ano 19:27

Mwana wange, lwa ulekelaa kwiga ulaleka vwangu aga umanyi.

Tsing'ano 28:21

Kuva ni liyaanzilira sivoveeye vulahi mba, navuzwa konyoora viambeti vikekeke mundu akolaa vudamanu.

Isaya 5:20

O, vayaayi, kivi keveeye ku yavo avalangaa uvudamanu kuva uvulahi, na avalangaa uvulahi kuva uvudamanu! Mugirung'anyia kisundi kuvo uvulavu, nu uvulavu kuva kisundi. Mukoraa yicho ekeveeye kilulu ligali kuva kenoru kuli uvwuki, na yicho ekeveeye kenoru kuva ikilulu ligali.

Isaya 56:11

Vaveeye kuli zimbwa zimbuvaalu izitanyara gwigutaa. Aviimiliri yava sivaveeye nilimanyiriza. Sa mulala akolaa kuli ayaanza kandi yenyaa viambeti vivie umwene.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 23:17

Ku avandu vamali kusuura kuhulira aga inze mali kovora, vazizagilira kovora ndi goosi galava amalahi kuvo. Kandi vavoolera vuli mundu oveeye muhindagirizi ndi kivi sikilamugwira mba.”

Ezekieli 13:20

Kulwayago, yaga nigo gu Mwami Munene Yahova avoora, “Inzi mbeeye ni livihilirizwa ni viuma viuvukumu via mutumikiraa kwita vandu vange, kandi ndavituliza kutura ku makono jienyu. Ndaleka vandu va munyi mwitaa vave avavoholore kuli amanyonyi.

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Ezekieli 20:39

Yahova Wuvunyali avoora, “Kalunu munyi mwosi avandu va Isiraeli, muzie mundu mulala samulala atumikiri vifananyi vivie! Navuzwa mwiganihizaa ndi, inyima wa yaga, mulatia Inzi kandi mulalekera kwonogonyia lieta liange litakatifu nu kuhaana vihaanwa ku vifananyi vienyu.

Ezekieli 22:25

Aviimiliri vaavo vaveeye kuli zisimba zihuumira ku zinyama ziaimali kwita. Vita avandu, mavavugula mabese harara ni miandu josi javanyala konyoora, kandi muliita liavo valeka avakunzakali vanyingi.

Ezekieli 22:26

Avasaalisi vavunanyi lilago kandi sivahaana luyali kuvindu vitakatifu mba. Sivaveeye ku niliavukanyia hagati hivindu viveeye vitakatifu nivitaveeye vitakatifu mba. Sivigizaa liavukana hagati hivindu vinifu ni vitaveeye vinifu mba, kandi sivagumira lisabato mba. Kigira yaga, avandu va Isiraeli sivambezaa luyali mba.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 3:5

Yahova avoora, “Avandu vange vamali kugadwa na avaporofeti avasuuvirizaa mirembe ku yavo avavatuungaa navuzwa vatihiza nuvulwani yavo avatavahezaa kindu.

Malaki 1:10

Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Varumi 14:15

Niiva usaliriza amwavo woovo kigira chukulia cha uliizaa, siokola ndio kolondekana nu vuyanzi mba. Utaleka chukulia chicho kidivizi umundu wundi wa Kristo yakuzira mba.

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

1 Vakorintho 8:11

Kunangwa kigira limanya liilio, umundu mudedekere uyu, aminyu wa Kristo yakuzira aladiva mu Roho.

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

1 Samweli 9:7

Saolo yavoola, “Niiva kuzia kuye, kulamuha ki? Chukulia sikitigaye ku mumisigo jietu mba, kandi sikoveeye ku ni kindu cha kunyala kumuha mba. Ukaveeye ku naki?”