Ezekieli 12:2 - KITABU KITAKATIFU

² Yavoola, “Mwana wu Mundu, ivi omenya na vandu vukwibaara. Vaveeye ni zimoni, navuzwa si valora kindu mba; vaveeye na matu, navuzwa si vahulira mba kigira vaveeye avandu vukwibaara.

Ezekieli 12:2 ပူးပေါင်းရင်းမြစ်များ

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

Zaburi 78:40

Vibaara kuye ligali haali kanyingi mwigendanyama; vamuveereriza haali kanyingi mu changalangwe!

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 43:8

Nyasaye avoora, Leeti avandu vange vaze mu kiyaalo. Vaveeye nizimoni, navuzwa sivalola mba. Vaveeye namatu, navuzwa sivahulira mba!

Isaya 44:18

Avandu kuli yava vaveeye vasilu ligali kali sivanyala kumanya icha vakora mba. Vakunika zimoni ziavo kunangwa vavuli kolola; kandi vakunika zing'anagani ziavo kunangwa vavuli kumanyiriza.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Jeremia 4:17

navalakumbiriza Jerusalemi kuli avasaza valindanga umulimi kigira avandu vaavo vamali kwibaala ku Yahova. Yahova umali kovora.

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Jeremia 5:23

Navuzwa vandu munyi! Muveeye ni mioyo midinyu kandi avibaali; mumali kugirung'ana nukuzia halovega kandi muleki inzi.

Jeremia 7:26

Navuzwa si yaliho kali mulala uwatia anoho uwahulira mba. Muvogono yivwo, mwagwa avadinyu ligali kandi avibaali kali kuvita avaguuga vinyu.

Ezekieli 12:1

Yahova yamoloma ninzi.

Ezekieli 12:25

Inzi Yahova ndakamolome kuvo, kandi agandivoola galakekoleke. Lilindagilira si lilakaveho kandi mba. Mulimenya lienyu, munyi mwibaara, ndakakole agaamali kumwiganihiza ndi ndakora. Inzi mali kovora,” Yahova Wuvunyali avoora.

Ezekieli 17:12

“Oteeve avandu vukwibaara yava ndi: munyi mwamanya lugano yilu chalovoolaa? Uvavoolere ndi, Mwami wa Babiloni yaza Jerusalemi ma navugura Mwami harara navatumikiri veve navahira Babiloni.

Ezekieli 2:3

“Mwana wu Mundu, ngutumaa ku avandu va Isiraeli. Vamali kwibaala nukugirung'ana kutura ku inzi, kandi vakikiri avibaali kuli avaguuga vaavo vaali.

Ezekieli 24:3

Ovoole lugano yilu ku vandu vange avamali kwibaala, ulwa Inzi Yahova Wuvunyali mali kovora kigira yavo; Uviiki inyingu kumahiga ma witimu amazi gizuri mu du.

Ezekieli 3:9

Ndakokola ove utanyala kusundwa kuli lwanda, mudinyu kuli ligina liuvuguli; utatia vibaali yavo mba.”

Ezekieli 44:6

“ Ovoolere avandu va Isiraeli avibaara ku Inzi ndi, Inzi Yahova Wuvunyali sindikuzira ku vindu viu kuvihiliriza viavakola mba.

Marko 4:12

Kunangwa, ‘Lihenza valahenza ligali, navuzwa si valalola mba lihulira valahulira ligali, navuzwa si valamanya mba. Kigira niiva vakakoli ndio, vaali vakagirungani ukwilanira Nyasaye, kandi naye yakavasamiihi uvwoni vwavo.’ ”

Luka 8:10

Yeso yativura, “Munyi muheveywi limanya lia gaviswa gu Vwami vwa Nyasaye, navuzwa ku vandi inzi molomera mu zing'ano, kunangwa kali nivahenza vudinyu, sivanyala kolola mba kali nivahuliriza, sivanyala kumanyiriza mba.”

Yohana 12:40

“Nyasaye umali kuvakuliza zimoni ziavo; kandi umali kudinyia mioyo jaavo gase valalola ni zimoni ziavo kandi vamanye ni mioyo jaavo, ma viganire, nainzi nduuki kuvahonyie.”

2 Vakorintho 3:14

Zing'anagani ziavo ziasiluhalizwa ligali; kandi kuduuka kalunu zing'anagani ziavo ziafuumwa ni kitambaya kilala chere lwa vasoma vitabu vie lilagaa likulu. Kitambaya zana yicho kitulizwa ho vuzwa lwu mundu ahambanywa na Kristo.

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Kwidzulitsa 29:3

Mwalora nizimoni zienyu aveene vulwaye vudamanu vwukutihiza ligali vilolekizu kandi viokogenyia vinene ligali via Yahova yakola.

Kwidzulitsa 29:4

Navuzwa kuduuka lidiku liene yili, Yahova akikiri kumuha zing'anagani ziukumanyiriza anoho zimoni ziokolola anaho amatu gukuhulira vindu viekoleka.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 9:24

Kutura nimumanya, mwayibaala ku Yahova.

Kwidzulitsa 9:7

“Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.