Ezekieli 12:15 - KITABU KITAKATIFU

¹⁵ “Lwa nambasalanyiri mu zihiiri zindi, kandi muvivala vigeni, navamanye ndi, inzi mbeeye Yahova.

Ezekieli 12:15 ပူးပေါင်းရင်းမြစ်များ

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 49:32

“Vuguli zing'amia ziavo kandi mitugu jaavo josi! Inzi ndasalanya muzimbega ziosi avandu vavega masu gaavo ku zinduru, kandi ndaleta kuvo kivi kutura muzimbega ziosi.

Ezekieli 11:10

kandi na mwitilwi mu vulwani mu kivala chiinyu. Maku vuli mundu namanye ndi inzi mbeeye Yahova.

Ezekieli 12:16

Ndaleka vakekeeke kuvo vahononoke kutura muliihi, inzara kandi muvulwaye. Uwene yeyo mu zihiiri, navamanyirizi kuli vikolwa viavo viukuvihiliriza vimali kuva, kandi navamanye ndi inzi mbeeye Yahova.”

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 14:18

kali niiva vandu vavaga yava vamenyi mu kivala yiki, gaveeye giligali inzi kuli Yahova Wuvunyali, mbeeye Nyasaye omenya, avandu yava si navahonyie avayaayi vaavo na vakana vaavo mba, navuzwa navahonyie livamwoyo liavo.

Ezekieli 24:27

Ku lidiku liene yilio, ulakanyore zinguru ziu komoloma ku mundu uyu, kandi siulakave idimbidi kandi mba. Kunangwa, ivi ulakave kelolero ku vandu, kandi valakamanye ndi Inzi mbeeye Yahova.”

Ezekieli 25:11

Ndakahane mageri ku vandu va Moabu kandi valakamanye ndi inzi mbeeye Yahova.”

Ezekieli 26:6

valakiiti avandu vamenyi mu madaala gaavo ku kivala kenene ni vivavi. Maku avandu va Tiro navamanyirizi ndi, inzi mbeeye Yahova.”

Ezekieli 28:26

Valamenya mu kivala yiki mu mirembe. Valakumbake zinyumba kandi valakalimi milimi nukutaga Mizabibu. Ndahaana mageri ku zihiiri ziosi zia vaakolera kehenyahenye, kandi vandu va Isiraeli valakamenye mu mirembe. Maku valakamanye ndi Inzi mbeeye Yahova Nyasaye wavo.”

Ezekieli 33:33

Navuzwa lwa makuva googo goosi galitwekizwa, kandi lwa navave avandu va giligali, maku navamanye ndi, muporofeti yaveeye harara navo.”

Ezekieli 39:28

Maku avandu vange navamanye ndi, Inzi mbeeye Yahova Nyasaye wavo. Valakamanye yaga kigira ndaavahila mu lihaminywa na kalunu ndavavungiza kandi hagati hi zihiiri kandi ndaviranyia mu kivala chavo, vugira koleka mundu kali mulala kuvo kutigala inyima.

Ezekieli 5:10

Kigira yaga, avababa valalia avana vaavo kandi avana valalia avababa vaavo. Ndahaana mageri ku munyi kandi ndasalanyia vosi avalitigala mwoyo.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Ezekieli 6:14

Yee, ndanyira mukono gwange nukudiviza kivala chavo. Ndakekola kuva amang'anye kutura mwigendanyama kuduuka mu lidaala linene lia Ribula Ivaale, vugira koleka havundu hoosi ha vandu va Isiraeli vamenya. Maku vuli mundu namanyirizi ndi inzi mbeeye Yahova.”

Ezekieli 6:7

Avandu valitwa havundu hoosi, kandi yavo avalihononoka valakamanye ndi, Inzi mbeeye Yahova.

Ezekieli 7:4

Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.