Ezekieli 11:5 - KITABU KITAKATIFU

⁵ Roho wa Yahova yanzimilira, kandi Yahova yambolere mbolere avandu likuva yili: “Avandu va Isiraeli, ndaamanya agamuvolaa kandi agamulohizaa.

Ezekieli 11:5 ပူးပေါင်းရင်းမြစ်များ

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Isaya 28:15

“Mwiyizominyaa ndi mwalomba lilagana liuvuhambani ni likuza, mwalomba livugilirizana ni kivala chavakuzu. Lwikivi kiiza sikilakakudiiri mba, kigira mwasuuvira mu vovehi nuvugadi kuva chukwivisamu chiinyu.”

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 11:20

Maku ndaasaara nembora, “Yahova Wuvunyali, ivi oveeye mukalagi mulungi; kandi ogerizaa mioyo ja avandu kandi zing'anagani ziavo. Inzi mali kuviika makuva gange ku ivi. Ndakayanzi kokolola nuvanzaa kisaalia ku avasigu vange.”

Jeremia 16:17

Inzi ndolaa vindu viosi viavakola. Sikeveeyeho ichaaviswa kutura ku inzi mba; ndolaa uvwoni vwavo.

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Ezekieli 2:2

Lwa ndahulira mwoyo nigumoloma na inzi, Roho yaza mu inzi kandi niyasingiliza nu mwoyo gwazizagilira kovora,

Ezekieli 2:7

Ivi kuduuka ulavavolera amakuva gange, kali niiva valahulira anoho valasura kuhulira, kigira vaveeye avandu vibaali.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 3:11

Uzie kalunu ku vandu vi kivala chienyu avaveeye mu lihaminywa ma omolome kuvo kandi. Uvavoolere, ndi Inzi Yahova Wuvunyali mboraa kuvo, kali niiva valahulira anoho valasura kuhulira.”

Ezekieli 3:24

navuzwa Roho wa Nyasaye yasingiriza. Yahova yambolera, “Uzie yengo ma wihaniri munyumba.

Ezekieli 3:27

Maku, ndamoloma na ivi kandi ndakuha zungulu komoloma, ulavavolera aga inzi, Mwami munene Yahova, mboraa. Valala kuvo valahulira, navuzwa avandi valakuchaya, kigira eveeye ihiiri ya vandu vu kwibaala.”

Ezekieli 8:1

Ku lidiku lia katano ku mweli gwa sita mu muhiga gwa sita gwi lihaminywa lietu, ndaali ninzikaye munyumba yange harara na vimiliri vi lihaminywa kutura Ivuyuda. Nonoho ndaahulira zinguru ziu Mwami Munene Yahova ziizi ku inzi.

Marko 2:8

Ahene yaho Yeso yamanya mu mwoyo gwigwe aga vaganagana mu mioyo jaavo, kunangwa yavavolera, “Kigira ki muganaganaa ndio mu mioyo jinyu?

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Vikolwa 10:44

Lwa Petero yaali nakevoola amakuva yaga, Roho Mutakatifu yika kuvo vosi avaari ni vahuliriza likuva.

Vikolwa 11:15

Lwa ndatanga komoloma kuvo, Roho Mutakatifu yika kuvo kuli yika ku kunyi mulitanga.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Yakobo 3:6

Kandi ululimi loveeye kuli umuliru. Loveeye kivala chu vudamanu niloveeye kilala ku vivero vietu viu muviri. Lokolaa liiva liu mundu kuva lidamanu. Luviikaa livamwoyo lilie liosi mu umuliru gutulaa mu gehena.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

1 Samweli 10:10

Lwa Saolo nu mutumikiri weve vaduuka ha Gibea, muganda gwa avaporofeti gwagaana naye. Nonoho Roho wa Nyasaye yaza kuye nizinguru, kandi yahambana navo mu liporofeta liavo.

1 Samweli 10:6

Nonoho Roho wa Yahova alaza ku ivi ni zinguru, na ivi ulaporofeta harara navo, kandi ulagirung'anywa kugwa umundu wu lugano lundi.