Ezekieli 11:2 - KITABU KITAKATIFU

² Nyasaye yambolera, “Mwana wu Mundu, avandu yava valomba lilohiza lidamanu kandi vahaana zing'anagani zindamanu mu lidaala linene yili.

Ezekieli 11:2 ပူးပေါင်းရင်းမြစ်များ

Esther 8:3

Esiteri yamoloma ku mwami kandi, naagwa havirenge vivie nalira. Yagoonya mwami kwigalira uvudamanu vwosi vwa Hamani, mwisukulu wa Agagi, yaali naalohizi kudiviza Avayuda vosi.

Zaburi 36:4

Alombaa lilohiza liu uvudamanu lwa agonaa ku kidali chichie; ichakolaa choosi sikeveeye kilahi mba, navuzwa akolaa uvudamanu vuli kazozo.

Zaburi 36:5

O, Yahova, vuyanzi vuvwo vutaveeye nekeheri vuduuka mwigulu, na uvusuuvirifu vuvwo vuduuka ku malesi.

Zaburi 52:2

Ivi olohizaa muvwivisu kudiviza avandu vandi; lulimi lulwo loveeye kuli logembe lwugi. Ovola uvugadi vwere kazozo.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Ezekieli 7:26

Kivi kenene kilaaza vuli kase kandi ulusuma lwa makuva govovehi lulaza. Valageliza konyoora malola kutura ku muporofeti; liegiza lielilaga navasaalisi lilagota, kandi lihaana zing'anagani kutura ku vakulundu lilagota.

Nahum 1:11

Kutura mu vandu va Nineve, yaza mundu mulala oveeye ni lilohiza liu vuchamu, alohizaa mu vwivisu kokora vudamanu ku Yahova.