Ezekieli 11:12 - KITABU KITAKATIFU

¹² Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Ezekieli 11:12 ပူးပေါင်းရင်းမြစ်များ

1 Avami 11:33

Nziza kokora ndio kigira Solomoni umali kusuura, kandi umali kusigamira avanyasaye vageni. Ashitarozi, umunyasaye wikikali wa Sidoni; Kemoshi, munyasaye wa Moabu; kandi Moleki, umunyasaye wa Amoni. Solomoni uvuli kumbulira; okoli vudamanu kandi uvuli kugumira malago gange kuli baba weve Daudi yakola.

2 Avami 16:3

navuzwa yalonda liiva lia vami va Isiraeli. Kali yasamba muyaayi weve mwene kuli kisiuviriru chu kusambwa, kolondekana ni likora liu kuvihiliriza lia avizihiiri, ava Yahova yakunga imbiri wa vandu va Isiraeli.

2 Avami 18:12

Samaria liaguutwa kandi ni ligumirwa kigira vandu va Isiraeli sivahulira Yahova Nyasaye wavo mba; navuzwa vavunanyia lilagana lia Yahova yaali ni yalomba navo; kandi ni vavura kuhulira malago goosi agahaanwa na Musa, mutumikiri wa Yahova. Sivali vanyara kuhuliriza kinga kuhulira.

2 Avami 21:2

Manase yakola agaali madamanu imbiri wa Yahova, kuli likora lie kivihiri chi zihiiri zia Yahova yakunga kutura mu kivala cha vandu va Isiraeli.

2 Avami 21:22

Yasura Yahova, Nyasaye wa vaguuga veve, kandi natinguha lilaga lia Yahova.

2 Avami 21:9

Navuzwa avandu vi Ivuyuda sivahulira Yahova, kandi mwami Manase yaavimilira kokora kali vwoni vwali vonene ligali kuvita uvwoni vwakolwaa ni zihiiri zindi zia Yahova yaali nakungi kutura mu kivala yicho lwa vandu veve viingira mu.

2 Kyetsinyinga 13:9

Munyi mwakunga avasaalisi va Yahova, kisukururwi cha Haruni, kandi ni mukungaa vandu va Levi. Mu vogono vwavo, mutovooye avasaalisi munzira ndala nzere yi zihiiri zindi zitovoleraa mu. Ku vosi oleeta igiriki anoho magondi makore 7 ku vwali anyala kugwa musaalisi wa mulala wa yavo avalangwa avanyasaye vinyu.

2 Kyetsinyinga 28:3

Yasamba kimuli mu Livona lia Hinomu, kali yahaana avayaayi veve kuli visiuviliru viukusambira misambwa, kolondekana ni likora liukuvihiliriza lie zihiiri zia Yahova yakunga kutura mu kivala imbiri wa avandu va Isiraeli.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Nehemia 9:34

Avaguuga viitu, avami viitu, aviimiliri viitu, avasaalisi viitu sivalinda Lilaga liilio mba. Sivahuliriza ku malago googo na amiganihizu googo mba.

Zaburi 78:10

Sivagumira lilagana liavo na Nyasaye mba; vasuura kuhulira lilago lilie.

Jeremia 10:2

Avoora, “Mutalonda zinzira ziezihiiri zindi mba; mutanyangizwa ni vindu viokogenyia vikoleka mu ligulu mba, kali niiva izihiiri zindi zitihizangwa.

Jeremia 6:16

Yahova yavolera avandu veve, “Musingiri muvwavukaniru vwizinzira na muhenze. Muvateeve zinzira ziakale kandi winzira indahi eveeye. Mugeendeku kandi muramenya mumirembe.” Navuzwa vavoola, “Awa kokora mba!”

Ezekieli 11:21

Navuzwa nambane amageri ku vandu vayaanza kusigamira ivifananyi viukuvihiliriza vifunya vugundu. Ndakavahe mageri kigira agavamali kokora.” Yahova Wuvunyali amali kovora.

Ezekieli 18:8

Mundu uyu siyegobizaa mabesa nu konyoolaku uvukala anoho kuvugura viambeti mba. Mundu uyu siakola uvudamanu mba, navuzwa ahaanaa likalaga liveeye lirungi hagati hu mundu nu wache;

Ezekieli 18:9

Mundu kuli uyu atizaa lilaga kandi agumiraa malago gange, aveeye mulungi kandi alamenya ligali.” Yahova Wuvunyali avoora.

Ezekieli 20:16

Inzi ndalomba lilagana kigira vaali nivasuyi lilago liange kandi vasuyi kugumira malago gange kandi nivononyia lidiku liange lie Lisabato. Kunangwa vayanzilira kusigamira vifananyi viavo.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:24

Ndaakola yaga kigira vaali nivavunamyi lilago liange kandi nivasuyi amalago gange, kandi vaali nivononyi lidiku liange lie Lisabato, kandi nivasigamiri vifananyi vilala viere via vaguuga vaavo vaasigamira.

Ezekieli 5:6

Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Ezekieli 8:10

Kunangwa ndingira mugati nimbenza. Ndalora ovong'ole ku madigi vwi zinzoka, ni zinyama zindi ziukuvihiliriza kandi vifananyi viosi, via vandu va Isiraeli vaasigamira.

Ezekieli 8:14

Kunangwa yambugura niyambira Ivaale wi kilivwa chi Litembeli, kandi niyamanyia vakali nivasioma kigira likuza liu munyasaye Tamuzi.

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.

Danyeli 9:10

O, Yahova Nyasaye wiitu, si kwahulira lwa wakovolera komenye kolondekana na malago gawahaana kuvitira mu vatumikiri vovo avaporofeti mba.

Kyavalevi 18:3

Mutalonda likora lia avandu va Egebeti wamwamenyaa mba anoho likora lia avandu vu mukivala cha Kanaani wa inzi muhiraa mba. Mutalonda malago gaavo mba.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.