Ezekieli 10:4 - KITABU KITAKATIFU

⁴ Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 10:4 ပူးပေါင်းရင်းမြစ်များ

Kutwula 40:34

Maku lilesi liakunika Lihema liukuvuganira mu na Yahova, kandi vukumi vwa Yahova vwizula Lihema du.

Kutwula 40:35

Kigira yaga Musa siyaali unyala kwingira mu Lihema liukuvuganira mu na Yahova mba.

Isaya 6:1

Mu muhiga gwu mwami Uzia yakuza, ndaalora Yahova mu malola. Yaali niyikaye kondeve yeye yu vwami, igulu kandi niigingiywi igulu ligali. Ulukigiti lwi iganza yeye lwizura Litembeli liosi.

Ezekieli 1:28

Uvwaku vwu vulavu yivu vwafanaa kuli ikisahi chi imbura mu malesi mu lidiku lie imbura. Yiki chaloreka kuva kuli uvukumi vwa Yahova. Lwa ndaahulira yaga, ndaagwa hasi mamumama. Maku ndaahulira mwoyo gwu mundu nigumulomaa.

Ezekieli 10:18

Maku uvukumi vwa Yahova vwatula mu vwingiliru vwi Litembeli ma nivuzia igulu wa vakerubi.

Ezekieli 43:2

Hene yaho, ndaalora uvukumi vwa Yahova wa Isiraeli nivuza kutura Ivugwi. Mwoyo gwa Nyasaye gwahulirika kuli lihuuma lia mazi manene, nu vukumi vwivwe vwang'ereng'ana ku lirova.

Ezekieli 43:5

Maku Roho wa Yahova yaali ku Inzi, kandi yambira mu mugizi gwu mugati, na ndaalora uvukumi vwa Yahova nivwizuyi mu Litembeli.

Ezekieli 44:4

Maku mundu uyu yambira imbiri wi Litembeli kuvitira mu kirivwa chi Ivaale. Lwandahenza, ndaalora uvukumi vwa Yahova nivwizuyi mu Litembeli lia Yahova, na ndaagwa hasi Mamumama;

Ezekieli 9:3

Maku uvukumi vwa Nyasaye wa Isiraeli vwazia Igulu kutura ku vakerubi, nivuzia kuvwingiliru vwi Litembeli. Yahova yalanga mundu waali niyiviiki inguvu yu luvaala navoora,

Haggai 2:9

Litembeli lihia lilakave nu vukumi kuvita Litembeli likulu, kandi hene yaho ndakahaane ku vandu vange miandu kandi mirembe.” Yahova Wuvunyali umali kovora.

Livalidza 16:19

Maku Kora yavuganyia vandu vosi harara, kandi vasingira imbiri wa Musa na Haruni ha vwingiliru vwi Lihema. Nonoho uvukumi vwa Yahova vwaloleka ku vandu vosi.

Likunula 15:8

Litembeli liizula umwoki kutura ku uvukumi nu ku zinguru zia Nyasaye, kandi sihaali ho nu mundu uwaali yakanyala kwingira mu Litembeli yilio kuduuka ko keheri chu vulwaye saba vwi zingelosi saba valeta mba.