Ezekieli 10:10 - KITABU KITAKATIFU

¹⁰ Amagurudumu goosi gane gafanana; galoleka kuli ligurudumu lingila mu ligurudumu lindi.

Ezekieli 10:10 ပူးပေါင်းရင်းမြစ်များ

1 Avami 7:30

Vuli ligare lie zing'ombe liali ni virenge vine viu migasa viukusingirizira. Ha zikona zine, viali ho vidiliru vie migasa vine viadiira ku ebenzeni. Vidiliru viukusingiriza yivio viasiafa mangirinya gi vifananyi vifanana nizinyumba zia mang'oru

Zaburi 104:24

O, Yahova, ivi walomba vindu vinyingi! Walomba vindu viosi novogeri vonene ligali! Lirova liosi lizuuyi vilombe vivio.

Zaburi 36:6

Uvulungi vuvwo voveeye igulu ligali kuli vigulu, likalaga liilio lirungi liveeye kuli ululiva lwi inyanza; ivi ulindaa avandu ni zinyama ziosi.

Zaburi 97:2

Malesi nikisundi kenene vimukumbirizaa; yamiha nuvulungi kandi ni likalaga liuvulungi.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Ezekieli 1:16

Amagurudumu goosi gane gaali ni lifana lilala; vuli lilala kugo liang'ereng'anaa kuli ligina liu vuguli, kandi vuli lilala liagavulanywa hagati ni lindi ku lovega lwu mukono mulungi.

Ezekieli 10:11

Lwa vakerubi yava vagenda, vaali vanyara kuzia mu zimbega ziosi zine vugira kwirana inyima. Vosi vagenda harara kuzia mu lovega lwosi lwa venya, vugira kugirung'ana.

Ezekieli 10:9

Kandi ndahenza nindora magurudumu gane kolovega lwa vakerubi; vuli ligurudumu liali kolovega lwa vuli mukerubi. Amagurudumu goosi gane gaali ni lifana lilala; galoleka kuli ling'ereng'ana lie ligina liu vuguli.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!