Ezekieli 1:4 - KITABU KITAKATIFU

⁴ Ndahenza igulu na ndaalora kihuzuzi nikihuuzaa kutura Ivaale. Uvwaku vwahemahema kutura mu malesi, kandi kisundi chakumbiriza iligulu. Mu lihemahema liu vwaku yivwo, kindu chaloreka kuli uvwakanyu vwu mugasa.

Ezekieli 1:4 ပူးပေါင်းရင်းမြစ်များ

1 Avami 19:11

Yahova yamuvolera, “Zia ichova na usingiri imbiri wange ku kiguru.” Maku Yahova yaavitira hazana yaho natuma kihuzuzi kenene chi zinguru chatandulanyia vigulu kandi nichatanyia zinyanda. Navuzwa Yahova siyaali mu kihuzuzi zana mba. Kihuzuzi chalekela kuhuuza, kandi lirova liadegera; navuzwa Yahova siyaali mu lidegera lie lirova mba.

2 Avami 2:11

Vazizagilira komoloma ni vagenda; maku nonoho ligare liu muliru ni lihilwaa ni zibarasi ziu muliru liaza hagati haavo ni livavukanyia. Elija yahilwa igulu kuduuka mwigulu ni kihuzuzi.

2 Kyetsinyinga 5:13

Lwa vakubi vi visiriva na viimbi vi zinyimbu vahambana harara mu Lizominya Yahova nu kuhaana Lisandiza, nu kwimba igulu harara ni visiliva, vikuli, kandi ni vindu vindi viosi viu kwimbira mu. Viimba nu kwizominya Yahova, nivavoora, “Yahova aveeye mulahi, kigira vuyanzi vwivwe vomenyaa mihiga ni mihiga.” Maku, Litembeli lia Yahova liizula lilesi,

Ayubu 38:1

Maku Yahova yativulira Ayubu kutura mu kiihi kenene navoora,

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Kutwula 9:24

imbura enene ya magina, noloheni lwaaka imbiri ninyima. Gwaali umuliviti munene gwimbula gwavula kololeka ku mu Egebeti ing'inga yindi kutura nekolwa ihiiri.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 21:1

Yili ni likuva lia Nyasaye kigira Babiloni Kuli vihuzuzi vinene kutura Negebu vihuzaa kuvitira hagati hi changalangwe, ikivi kilaaza kutura mu kivala chi litihiza.

Jeremia 23:19

Vutima vwivwe voveeye kuli kihuzuzi kenene, kiihi kenene ichaaza kivitiri kumitwi ja vandu vachamu,

Jeremia 25:32

Yahova Wuvunyali avoora ndi, kivi kilaaza ku ihiiri ndala inyima wi yindi, kandi imbuza yi kiihi enene ilaaza kutura ihale ku keheri chi lirova.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Ezekieli 1:27

Kutura mu kisindi kuzia igulu, kindu yiki chaang'ereng'ana kuli mugasa; na kutura mu kisindi kuzia hasi, chaloreka kuli muliru. Uvwaku vwu vulavu vwakumberiza mundu uyu.

Ezekieli 13:11

Ovoolere avaporofeti ndi amadigi ga vaporofeti yava gazizaa kugwa. Nangubizi imbura enene ya magina, kandi imbuza enene kuhunguza lidigi yili.

Ezekieli 13:13

Kalunu yaga nigo gu Yahova Wuvunyali avoora, “Mu vutima vwange, ndatuma imbuza yi kiihi kandi, imbura enene ya magina kudiviza lidigi.

Ezekieli 43:3

Amalola yaga gaali kuli amalola gandalola lwa Nyasaye yaza kudiviza lidaala lia Jerusalemi, kandi kuli amalola gandalola ahimbi nu mugera gwa Kebari. Maku ndaagwa hasi mamumama.

Ezekieli 8:2

Ndahenza na ndaalora kindu chalombwa mu lifana liu mundu. Kutura mu kisindi kuzia igulu, kindu yiki chang'ereng'ana kuli mugasa; na kutura mu kisindi kuzia hasi chaloreka kuli muliru.

Zekaria 6:6

Zibarasi zimwamu ziang'usaa ligare ziaziza Ivaale wa Babiloni, zibarasi zindavu ziaziza Imadioli kandi zibarasi zio vodondonye ziaziza mukivala chi Isavaalu.

Vahebraina 12:29

kigira Nyasaye wiitu aveeye muliru gusambaa nukudiviza ligali.

Likunula 1:15

Zinduvatiru zie virenge vivie ziali kuli umugasa gusiyiywi mu muliru, mwoyo gwigwe gwahiligana kuli amazi manene.