Ezekieli 1:10 - KITABU KITAKATIFU

¹⁰ Vuli kelombe keveeye mwoyo chaali ni lifana zing'ano zine: Lifana liu mundu mu zimoni, lifana lie simba ku mukono mulungi, lifana lie giriki ku mukono mumosi, kandi lifana lie indizu kolovega lwu mugongo.

Ezekieli 1:10 ပူးပေါင်းရင်းမြစ်များ

1 Kyetsinyinga 12:8

Kutura mu ihiiri ya avandu va Gadi ni vazia ku Daudi mu imbinga iyaali mu ligendanyama. Vaali avandu vi zinguru kandi avaluviriri mu vulwani, avaari nu vogeri vwu kulwaanira zinguva na matimu, mu moni mwavo mwaali kuli mu zimoni zie zisimba, vaali ni zimbiru kuli zimbongo ku vigulu:

Ayubu 39:27

Indizu ibulukaa igulu ku lilaga liilio, nukwumbaka inyumba yalio igulu mu vigulu?

Tsing'ano 14:4

Vugira zigiriki ziukulima, chage chicho kilava vuzwa, navuzwa noveeye nazio chage chicho kilizula vuswage.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 46:8

“Mwizurizi yaga munyi avoni, kandi muganagane ku gamali kokora.

Ezekieli 1:6

navuzwa vuli kilala kuvio chaali ni mumoni haali kane kandi ni zimbaha zine.

Ezekieli 10:14

Vuli makerubi yaali ni lifana liu mumoni haali kane. Mumoni mwukutanga mwali mwi giriki, mumoni mwa kaviri mwali mwu mundu, munoni mwakavaga mwali mwi simba na mumoni mwakane mwali indizu.

Ezekieli 41:19

mumoni mwu mundu mwagirung'anywa kohenza lovega lulala lwi likindu, kandi mumoni mwi simba mwagirung'anywa kohenza lovega lundi lwi likindu. Lidigi liosi liali kuli ndi,

Danyeli 7:4

King'ang'a chu kutanga chaali kuli isimba, navuzwa chaali ni zimbaha kuli indizu. Lwa ndaali ningikiheenza, zimbaha ziifwa. King'ang'a yicho chahinulwa nikisingilizwa vulungi kuli mundu na chahevwa zing'anagani ziu mundu.

Livalidza 2:10

Zihiiri ziumbaka kolovega lwi Isavaalu valava vandu ve bendera yu muganda gwa Rubeni. Mwimiliri wavo alava Elizuri muyaayi wa Shedeuri.

Livalidza 2:18

Zihiiri ziumbaka kolovega lwi madioli zilava vandu ve bendera yu muganda gwa Efuraimu nivimiliywi ne bendera yaavo. Mwimiliri wavo alava Elishama muyaayi wa Amihudi.

Livalidza 2:25

Zihiiri ziumbaka kolovega lwi Ivaale zilava vandu ve bendera yu muganda gwa Dani. Mwimiliri wavo alava Ahiezeri muyaayi wa Amishadai.

Livalidza 2:3

Ihiiri yumbaka kulovega lwi Ivugwi wi liuva litongera, ilava ihiiri ye bendera yu muganda gwa Yuda. Mwimiliri wavo alava Nashoni muyaayi wa Aminadabu.

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;

Likunula 4:7

Kelombe chukutanga chaloreka kuli isimba kelombe chakaviri chaloreka kuli igiriki. Kelombe cha kavaga chaali nu vweni kuli vwu umundu. Kelombe chakane chaali kuli indizu ibulukaa.

Likunula 5:5

Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”

Vakalagi 14:18

Lidiku lia Saba, Samusoni nakikiri kwingira ivuliri, avasaza vi lidaala yilio vamuteeva, “Ni kindiki ekeveeye ekenoru kuvita uvwuki? Kandi ni kindiki ekeveeye ni zinguru kuvita isimba?” Samusoni yavativulira navoora, “Mulavula kulimira eng'ombe yange erori yange, simwali mulanyala kwivaala ulugano lwange mba.”