Ezekieli 1:1 - KITABU KITAKATIFU

¹ Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Ezekieli 1:1 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 46:2

Nyasaye yamoloma kuye mu malola vudiku kandi naalanga, “Yakobo, Yakobo!” “Yavoola yee inzi mbeeye hano.”

Zaburi 137:1

Kwikala hasi ku lujinga lwi migera ja Babiloni, hene yaho kwasioma lwa kwizuliza lidivizwa lia Ziyoni.

Kutwula 24:10

na valora Nyasaye wa Isiraeli. Isi wi virenge vivie haali ho nikindu chafwanana amagina gaalwa hasi gi kibiriti, gi langi ya bulu kandi enengeru kuli ligulu.

Isaya 1:1

Kitabu yiki keveeye mu na makuva kigira Ivuyuda na Jerusalemi aga Nyasaye yavulira Isaya muyaayi wa Amozi, ing'inga lwa Uzia, Jozamu, Ahazu na Hezekia vaali avami vi Ivuyuda.

Isaya 6:1

Mu muhiga gwu mwami Uzia yakuza, ndaalora Yahova mu malola. Yaali niyikaye kondeve yeye yu vwami, igulu kandi niigingiywi igulu ligali. Ulukigiti lwi iganza yeye lwizura Litembeli liosi.

Jeremia 29:15

“Munyi muvooraa ndi, Yahova umali kumuha avaporofeti mu Babiloni.

Ezekieli 1:3

Lwa ndaali nimbeeye mu Babiloni, ahimbi nu mugera gwa Kebari, ndaahulira Yahova namolomaa na ndaahulira zinguru zizie.

Ezekieli 10:1

Ndahenza igulu mu vwerefu, na ndaalora kindu kuli endeve yu vwami iyalombwa ni safiro neveeye igulu wi mitwi ja Vakerubi.

Ezekieli 10:10

Amagurudumu goosi gane gafanana; galoleka kuli ligurudumu lingila mu ligurudumu lindi.

Ezekieli 10:15

Yivi viali vilombe vilala viere viandaali nindoli ha mugera gwa Kebari. Lwa viasingira igulu

Ezekieli 10:20

Yivi ni vilombe viveeye mwoyo iviandaali nindoli isi wa Nyasaye wa Isiraeli ha mugera gwa Kebari, kandi ndaamanya ndi vaali vakerubi.

Ezekieli 10:22

Mumoni mwavio mwaloleka kuli mwa vakerubi vandaali nendoli ha mugera gwa Kebari. Vuli mukerubi yagenda kuzia imbiri.

Ezekieli 11:24

Mu amalola, roho wa Nyasaye yang'inga igulu kandi niyanziranyia inyima ku vandu vaali nuvuhambe mu Babiloni. Maku malola gatulizwaho,

Ezekieli 3:15

Ndaazia ku vandu vilihaminywa avamenyaa ha Teli Abibu ahimbi nu mugera gwa Kebari. Ndaamenya hagati haavo mu ligenya ku madiku saba.

Ezekieli 3:23

Kunangwa ndaazia mu livona, na wene yeyo ndaalora uvukumi vwa Yahova, kuli ndaali nembololi ku mugera gwa Kebari. Ndaagwa hasi mamumama,

Ezekieli 40:2

Mu malola, Nyasaye yambira mu kivala cha Isiraeli ma niyaambika ku kiguru kitambi. Ndaalora zinyumba imbiri wange zialoleka kuli Lidaala linene.

Ezekieli 43:3

Amalola yaga gaali kuli amalola gandalola lwa Nyasaye yaza kudiviza lidaala lia Jerusalemi, kandi kuli amalola gandalola ahimbi nu mugera gwa Kebari. Maku ndaagwa hasi mamumama.

Ezekieli 8:3

Kelombe yiki chanyiira mukono nigudiila liisu ku mutwi gwange. Maku mu malola yaga Roho wa Nyasaye yang'inga igulu mwigulu niyambila mu Jerusalemi. Yambira mugati mwuvwingiliru vwa Ivaale vwi Litembeli, ahikifananyi chukuvihiliriza ku Nyasaye chaali.

Hosea 12:10

“Inzi ndaamoloma ku vaporofeti kandi nimbaha malola manyingi. Inzi ndiganihiza avandu vange kuvitira ku avaporofeti.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Livalidza 4:3

kandi vang'ode amita ga vasaza vosi avaveeye hagati hi mihiga 30 na 50, avaveeye avadukiru kutumika mu Lihema liu kuvuganiramu.

Matayo 17:9

Lwa vaali ni vasulunguta kutura mu kiguru, Yeso yaviganihiza navoora, “Mutavoolera umundu kali mulala malola yaga mba, kuduuka lwu Umwana wa Adamu alisimuguka kutura mu vakuzu.”

Matayo 3:16

Lwa Yeso yaali niyakabatizwa, yatura mu mazi vwangu. Henza iligulu liakunuka, Roho wa Nyasaye yika kuli ilikuulu, ni yaza kuye.

Marko 1:10

Lwa Yeso yatura mu mazi, nonoho yalora iligulu ni ligulwa, ma Roho yika kuye kuli ilikuulu.

Luka 3:21

Lwa avandu vosi vaali nivakabatizwa, Yeso naye ya batizwa na lwa yaali nasaalaa, ligulu ligulika.

Luka 3:23

Lwa Yeso yaatanga miyinzi jije yaali ahimbi ni mihiga salasini. Avandu vaganagana ndi yaali muyaayi wa Josefu uwaali muyaayi wa Heli.

Yohana 1:51

Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Vikolwa 10:11

Yalora ligulu ni likunulukaa, nikindu kuli isuuka enene yikizwa hasi nigumiliywi zikona ziayo zine.

Vikolwa 10:3

Ahimbi zisa tisa zia mbasu, yalora malola havulavu, engelosi wa Nyasaye yaza kuye na amuvoleraa, “Korinelio!”

Vikolwa 7:56

Yavoola, “Heenzi! Ndolaa ligulu ni likunuliywi, nu Mwana wa Adamu usingiyi ha mukono mulungi gwa Nyasaye!”

2 Vakorintho 12:1

Kuduuka nzekonye, kali niiva iliekonya zana siliveeye nichalikoonyaa mba. Navuzwa kalunu ndamoloma ku malola ni livuulirwa lia ndaahevwa nu Mwami.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”