Ezara 9:15 - KITABU KITAKATIFU

¹⁵ O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Ezara 9:15 ပူးပေါင်းရင်းမြစ်များ

Ezara 1:4

Niiva vandu vaatigara mu kivala chu vuhambe aleenya vokonyi kwirana, avatende vaavo valavakonya kuvaha ifeza, izahabu, uvutugi kandi mitugu harara nuvwihaani vundi vwosi kuhaana mu Litembeli lia Nyasaye mu Jerusalemi.”

Ezara 9:6

Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 116:5

Yahova aveeye wizimbavasi kandi umulahi. Nyasaye wiitu aveeye wilivererera.

Zaburi 119:137

O, Yahova, ivi oveeye mulungi, kandi likalaga lia malago googo liveeye lirungi.

Zaburi 130:3

O, Yahova, niiva wakang'odi nukwizuliza livaliza liu vwoni vwitu, nivwaha wakahoni kutura mu likalagirwa?

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Ezekieli 33:10

Yahova ya moloma na inzi. Yavoola, “Mwana wu Mundu, ovoolere nu kwilanira makuva ga avandu va Isiraeli vavoola: ‘Vwoni vwitu kandi uvudamanu vwitu vwa kumali kokora voveeye vuliduhu ku kunyi; Kunyi kung'aha. Kunyala ndi komenya?’

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Danyeli 9:14

O, Yahova Nyasaye wiitu ivi wetegeka kuhaana mageri ku kunyi, kandi wakola ndio kigira ivi okolaa agaveeye malungi kazozo, navuzwa kunyi si kwahulira mba.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.

Kyavalevi 26:41

Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Varumi 10:3

Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

1 Vakorintho 15:17

Niiva Kristo siyasimugukizwa, kunangwa lisuuvira lienyu liveeye lia vuzwa, kandi mukemenyi vuzwa muvwoni.

Joshua 22:15

Vazia mu kivala cha Gileadi, ku vandu va Rubeni, Gadi, ni inusu ya Manase wi Ivugwi.