Ezara 9:14 - KITABU KITAKATIFU

¹⁴ Kunyala kuvunaga malago googo kandi nukuhambana mu lileeta vakali na vandu vakora uvudamanu? Niiva kulakola ndio, ivi ulava nu vutima nikunyi kuduuka lwukudiviza. Mundu kali mulala sialatigala anoho kohononoka mba.

Ezara 9:14 ပူးပေါင်းရင်းမြစ်များ

Ezara 10:10

Ezara musaalisi yasingira navavoolera, “Munyi si muveeye avasuuvirifu mba. Mumali koleta avakali kutura mu zihiiri zing'eni, na mulikola ndio, mumali komeeda mahiolo mu Isiraeli.

Ezara 9:2

Avasaza vaavugura vakana kutura mu zihiiri yizi kuva avakali vayaayi vaavo kandi avakali navana vaavo. Kali avandu va Nyasaye avatakatifu vazugana harara na vandu vi vivala yivi. Avanene vaavo aviimiliri kandi avamihi nivo vaakora uvudamanu vwu kumaliriza.

Ezara 9:8

O, Yahova Nyasaye wiitu, kalunu ku ing'inga engekeeke, ivi umali kukumanyia liyaanzilira kandi okoli valala kukunyi kohononoka kutura mu vuhambe nokomenya mu mirembe havundu hatakatifu hano. Ivi umali kokovoholora kutura mu vuhambe kandi okoheeye livamwoyo lihia.

Nehemia 13:18

Yiki nicho chagira Nyasaye nahana amageri ku avaguuga vinyu lwa yaleeta lidiviza ku lidaala linene yili. Navuzwa munyi muzizagiliraa kokora uvutima vwa Nyasaye komeda kuuza ku Isiraeli ku liononyia Lisabato.”

Kutwula 23:32

Mutalombi lilagana navo mba, anoho na avanyasaye vaavo mba.

Kutwula 32:10

Kalunu, utageriza kungaya mba. Mbeeye nu vutima navo ligali kandi nziza kuvadiviza. Maku ndaakola ivi harara ni visukululwi vivio kuva ihiiri enene.”

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Jeremia 44:9

Munyi mumali kwivilira uvudamanu vwosi vwa mwakora harara na avakali vinyu, kandi na avami vi Ivuyuda harara na avakali vaavo mu madaala gi Ivuyuda kandi mu zinzira zia Jerusalemi?

Jeremia 46:28

Inzi nanzizi kumunyi kandi naamuhonyie. Inzi nandivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha amageri nambe nilikalaga lirungi. Inzi, Yahova mali kovora.”

Ezekieli 6:8

“Inzi ndakaleke valala vahononoke ku liitwa kandi vasalanywi hagati hizihiiri,

Livalidza 16:21

“Mwiyahuli kutura ku vandu yava, ninzi ndavadiviza vwangu ligali.”

Livalidza 16:45

“Singira ihale kutura ku vandu yava, na ndavadiviza lwene yilu!” Vombi vinama hasi, nu vweni vwavo vwaduuka kumalova,

Yohana 5:14

Kunangwa, inyima wa yaga, Yeso yanyoora umundu zana oyo mu Litembeli, namuvolera, “Henza, kalunu ohoni! Utakola uvwoni kandi mba, gase ikindu kidamanu ligali kuvita kilakugwira.”

Varumi 6:1

Kunangwa, kovoole ki? Kuzizagiliri komenya muvwoni kunangwa zimbavasi zia Nyasaye ziduuki komedeka?

Kwidzulitsa 9:14

Utageriza kuuzingalira mba. Ng'anagana kuvadiviza kunangwa avuli kuva ho nu mundu unyala kuvizuriza kali hakuzu. Maku ndakokola ivi ove baba wihiiri enene kandi yizingulu ligali hakuzu. Maku ndakokola ove baba wihiiri enene kandi yizingulu ligali kuvavita.’

Kwidzulitsa 9:8

Kali ha kiguru cha Sinai, mwavihiliriza Yahova, kandi Yahova yavihiliriza munyi ligali kali niyenya avadivize.

Vakalagi 2:2

Kandi mutakalombe lilagana lindi na vandu vamenya mukivala chene yiki mba. Kuduuka mulasambula nukwononyia uvwali vwavo. Navuzwa simwahulira amalago gange mba. Nikindiki cha mukoli yiki?