Ezara 8:22 - KITABU KITAKATIFU

²² Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Ezara 8:22 ပူးပေါင်းရင်းမြစ်များ

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 16:9

Zimoni zia Yahova zihenzaa havundu hoosi mu lirova liosi. Yahova ahaanaa lidinyiriza ku yavo avaveeye vasuuvirifu kuye. Kuyaga goosi, wakola uvudamanu, na kutura kalunu ulamenya mu, vulwani.”

Ezara 7:28

Kigira zimbavasi zia Nyasaye, inzi mali konyoora uvuyanzi vutaveeye nekeheri kutura ku mwami, aviideli veve kandi avanene veve vosi avizingulu. Yahova Nyasaye wange umali kumba uvuluviliri, kandi inzi mali kuva nuvunyari vwokogoonya aviimiliri vanyingi avizihiiri zia Isiraeli kwirana harara ninzi.”

Ezara 7:6

Ezara uyu yaza kutura Babiloni. Yaali mwigizi wamanyiriza ligali lilaga lia Yahova, Nyasaye wa Isiraeli yaali nahaani ku Musa. Mwami yamuha choosi chayateva kigira Yahova Nyasaye yaali harara naye.

Ezara 7:9

Yaatanga logendo kutura Babiloni ku lidiku liu kutanga ku mweli, kandi yaduuka mu Jerusalemi ku lidiku liu kutanga liu mweli gwa katano kigira Nyasaye yamukonya.

Ezara 8:31

Ku lidiku lia komi na mbiri liu mweli gwukutanga kwa tula ha mugera gwa Ahava nikuzia Jerusalemi. Nyasaye wiitu yaali harara nikunyi kandi yakohonyia kutura ku vasigu viitu kandi kuyavo avakogoneka kunzira.

Nehemia 2:9

Mwami yatuma valala ku vatumikiri veve avanene vi liihi kandi muganda gwa vasikari avaniina ku zibarasi harara niinzi, kandi ndalomba logendo kuzia imadioli wu mugera gwa Efurate. Wene yeyo ndahaana zibarwa ziu mwami ku avamihi.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 34:22

Yahova ahonyiaa livamwoyo lia avasuuvirifu veve; vosi avivisanga muye, valahonywa.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Lisyoma lya Jeremia 3:25

Yahova aveeye mulahi ku yavo vosi avaviika lisuuvirizwa liavo muye, ku oyo umwenyelerizaa.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 9:15

Navuzwa inzi ngikiri kutumikira vindu via gandukira nyoore; kandi sing'odaa ulwene yilu kunangwa mumbe vindu zana mba. Vwakaveeye vulahi inzi nguzi kutanga! Siaveeyeho mundu unyala kunyaga lizominywa liange na amakuva ameere vuzwa mba.

2 Vakorintho 7:14

Inzi nzekonyaa imbiri wa Tito kigira munyi na simbeeye soni kigira munyi mba. Navuzwa kuli kwamuvolera ivindu viosi vieligali kazozo, kulwayago, liekonya lietu imbiri wa Tito liloleki kuva lieligali.

Vahebraina 10:38

Navuzwa avandu vange valungi valava mwoyo kigira lisuuvira; niiva mulala kuvo yirana inyima, mwoyo gwange sigulamuyaanza mba.”

Joshua 22:16

Kandi mu limoloma mu vogono vwa vandu vosi va Yahova vavavolera, nimukora kindu kidamanu yiki ku Yahova? Mumali kwibaala ku Yahova ku lieyumbakira uvwali yivu! “Mugirung'ani nokoleka kolonda Nyasaye wa Isiraeli?

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

1 Petro 3:12

Mwami ahenderaa umwoyo avalungi kandi ahuliraa lisaala liavo; navuzwa muhingiri yavo avakolaa uvudamanu.”